قصيدة بعنوان/(العين والقلب )/بقلم الكاتب الاديب الراقي/الشاعر المبدع/محمدلطفي_ابوالفتوح

محمد محمد‏ هنا مع ‏‎Bahea Ginde‎‏ و‏‏٣٢‏ آخرين‏.

٢٠ يناير ٢٠١٨

العين والقلب .............2017/12/19
العين بتبكي بحرقة
...........
القلب
لسه بتبكي ياعين
لسه سيلة دموعك على حد موش حبك
بقالك بالدمع سنين
وازرفتي كتير ولا حسك
العين.....
انت اللي بتسالني ياقلب
موش عارف ان بكاية
بسبب المك وجرحك
في اغلى قصة حب
معاك انا م البداية
انا الصورة الواضحة لملمحك
القلب....
ليه ما رفضتيش
وبالعصيان ياعيني كنتي رديتي
كنتي صرختي وقولتي كفاية
سبتيني ليه اعيش
لية موش بالقوة صديتي
دورك ايه في الحكاية
العين......
اصرخ اقول لاء
وانت كنت لمين بتسمع
الحب عماك وعماني
وان كنت اعترض
في عز الويل بترجع
وتترد بالجرح تاني
القلب......
يعني مفيش علاج غير انك تطوعيني
انك على وسادتي في بحر دموعك تغرقيني
العين........
كيف اتحمل وانت بتتقطع
ومن عزم الالم
موش قادر تقول آه
واهك كتير اوي بتوجع
القلب.......
فعلا كنتي حسابي
كنتي تعبير صادق
واتحملتي كل عذابي
وعارفة انه عذاب عاشق
العين........
اتحملت اه وبتحمل
ما هو نصيبي فيك قلب
رغم الجرح بيتكمل
رغمك مقتول في الحب
العين .......
هزني انك ركعت
واتذليت علشانه
وبعد الفوقه كام مرة رجعت
ووصلت لحد عنوانه
العين .......
شوفتك وانت مكسور
بدل المرة ميت مرة
تبات الليل مقهور
وشربت كل الكسات مرة
القلب ......
كفاية يا عين اسكتي
ارجوكي لا تجددي تاني الالام
في سكوتك تكمن راحتي
وفي يوم بتنسيني الايام
العين.........
اسكت !!!.....
تنسى !!!.....
لو سكت انا كيف بينام فيك البركان
وتنسى كيف الحب اللي بكتني عشانه اكتر من عام
انا خرصه بس اشوفك موش بتتألم
صدقني هسكت لو شوفت الفرح فيك علم
القلب...........
هههههههههههههه
ادي الضحكه سمعاها
عالية الصوت بتتكلم
شوفتي منظرها ما احلاها
راجعة علية بتسلم
العين........
لساك ناوي تغش
الضحك الاصلي بيبان
وبيغير رسمة الوش
وبيملي الفرحه الوان
العين.........
شايفة ضحكتك سودة
ضحكة مصدرها تمثيل اوتار
ما حسيتش فيها ولا نبرة بيضة
عمري في صدق ضحكتك ما احتار
القلب .......
ياعين خلاص اسمعي
هنا الفراق بيني وبينك
سبيني يا عين وارجعي
احزفيني من كل تكوينك
العين.......
من صفاتي اني اصيلة
ومعاك في كل احزانك
زي ماخدت منك حاجه جميلة
عمري ما افارق مرة عنوانك
.........
وما زال القلب يتقطع من الالم
وما زالت العين تبكي بحرقة
........
#محمدلطفي_ابوالفتوح
شكر كل الشكر للاشتراك في الاداء الصوتي الشاعرة Basma Gasm