الشاعر محمد الغزلاوى
طير مهاجر
...............
قلبي ياطير مهاجر
علي دنيا من العذاب
ولا كنت ف مرة غادر
ولا مرة قفلت باب
ولا عمرك خنت صاحب
ولا بعت ف يوم حبيب
ياخسارة مالكش نايب
ولا كان لك يوم نصيب
ف حبيب يصدق ويوفي
ويبادلك عشرتك
الكل خان ياقلبي
وحكايتك خسرتك
وان جينا مرة نسأل
مابنسمعش الجواب
قلبي ياطير مهاجر
علي دنيا من العذاب
.....
بنيت العش لكن
حبيبك قام وهده
سالته وانت تبكي
بكاك اكتر برده
هربت وغصب عنك
والعيبه ماجتش منك
وكتمت كتير مشاعرك
عملت الصبر فنك
هاتعاتب مين سامحني
وعايزهم يسمعوك
دول ناس غاية املهم
ياقلبي ىوجعوك
ماتقوم وافرد جناحك
هاداوى يوم جراحك
لبعيد انا وانت نهرب
وهاننسي اللي استباحك
جوة بحور الغياب
ياقلبي ياطير مهاجر
علي دنيا من العذاب
.....
الخاين اسمه خاين
علي طول يفضل يخون
كفايه خان شريكه
طب انت مين تكون ؟
يادوبك كنت معبر
علشان يطلع لفوق
وبيحلم انه يكبر
قام ضيع ف الحقوق
طبايع وانت عارف
النفس والطباع
فيه نفس بتبقي صافيه
ولا تعرفش الخداع
وفيه نفوس لئيمه
بعدك عنهم غنيمه
ولحد امتى نفضل
نعمل للواطى قيمه
سقطهم مالحساب
قلبي ياطير مهاجر
علي دنيا من العذاب
.............................
...............
قلبي ياطير مهاجر
علي دنيا من العذاب
ولا كنت ف مرة غادر
ولا مرة قفلت باب
ولا عمرك خنت صاحب
ولا بعت ف يوم حبيب
ياخسارة مالكش نايب
ولا كان لك يوم نصيب
ف حبيب يصدق ويوفي
ويبادلك عشرتك
الكل خان ياقلبي
وحكايتك خسرتك
وان جينا مرة نسأل
مابنسمعش الجواب
قلبي ياطير مهاجر
علي دنيا من العذاب
.....
بنيت العش لكن
حبيبك قام وهده
سالته وانت تبكي
بكاك اكتر برده
هربت وغصب عنك
والعيبه ماجتش منك
وكتمت كتير مشاعرك
عملت الصبر فنك
هاتعاتب مين سامحني
وعايزهم يسمعوك
دول ناس غاية املهم
ياقلبي ىوجعوك
ماتقوم وافرد جناحك
هاداوى يوم جراحك
لبعيد انا وانت نهرب
وهاننسي اللي استباحك
جوة بحور الغياب
ياقلبي ياطير مهاجر
علي دنيا من العذاب
.....
الخاين اسمه خاين
علي طول يفضل يخون
كفايه خان شريكه
طب انت مين تكون ؟
يادوبك كنت معبر
علشان يطلع لفوق
وبيحلم انه يكبر
قام ضيع ف الحقوق
طبايع وانت عارف
النفس والطباع
فيه نفس بتبقي صافيه
ولا تعرفش الخداع
وفيه نفوس لئيمه
بعدك عنهم غنيمه
ولحد امتى نفضل
نعمل للواطى قيمه
سقطهم مالحساب
قلبي ياطير مهاجر
علي دنيا من العذاب
.............................
ليست هناك تعليقات:
إرسال تعليق