ببنى و بينك
قصيدة شعر عامية مصرية
بقلم /محمد على عاشور
بينى و بينك ليه بتعلى ما بينا جدار
كل ما نمشى معاكى فى سكة
بعدها تبعدى بالمشوار
نرجع تانى نقرب منك
و انتى تعيدى الكره معايا
قلبى بيحزن و بيتالم
ترجع روحى تقرب منك
تبقى معايا بكل كيانك
زى الورده اللى بنتفتح
و فجأة نفوق على تغيير تانى
بدون أسباب
نرجع تانى نقرب منك
لأن بعادك بيجننى
نرجع نروى ورود جنتنا
يجى يغرد بلبل حبك جوه وريدى
قلبى بيرقص من جواه
علشان انتى بتبقى معايا
و فجأه الاقيكى تبعدى تانى
نمسك فيكى بكل كيانى
و قلبى يطبطب على خلاياكى
علشان تبقى قريبة منى
يا ليلى القيس متعلق بيكى
روحه بتجرى تعيش حدا روحك
و تبوس ورد الخد النايم
نفسي عيونى تحضن عينك
نفسي إيديا تلازم ايدك
عايزين نزرع ورد الحب
عايزك دايما تبقى معايا بكل كيانك
عايز الخوف جواكى يموت
لجل ما تبقى حياتنا جميلة
و تبقى طيور الحب ما بينا
تغنى بحبك و معاه حبى
قلبى حيفضل يستناكى
لأن ف بعدك عنى عذاب
كل ما تيجى
قلبى بيحضن روحى و يرقص
و اما تغيبى
روحى بتحضن قلبى و تبكى
و انا وياهم منتظرينك
يا ريت ما تغيبى عنى كتير
علشان نفتح باب جنتنا
و نعيش فيها حياه ايديه
ما فيها بعاد
قصيدة شعر عامية مصرية
بقلم /محمد على عاشور
بينى و بينك ليه بتعلى ما بينا جدار
كل ما نمشى معاكى فى سكة
بعدها تبعدى بالمشوار
نرجع تانى نقرب منك
و انتى تعيدى الكره معايا
قلبى بيحزن و بيتالم
ترجع روحى تقرب منك
تبقى معايا بكل كيانك
زى الورده اللى بنتفتح
و فجأة نفوق على تغيير تانى
بدون أسباب
نرجع تانى نقرب منك
لأن بعادك بيجننى
نرجع نروى ورود جنتنا
يجى يغرد بلبل حبك جوه وريدى
قلبى بيرقص من جواه
علشان انتى بتبقى معايا
و فجأه الاقيكى تبعدى تانى
نمسك فيكى بكل كيانى
و قلبى يطبطب على خلاياكى
علشان تبقى قريبة منى
يا ليلى القيس متعلق بيكى
روحه بتجرى تعيش حدا روحك
و تبوس ورد الخد النايم
نفسي عيونى تحضن عينك
نفسي إيديا تلازم ايدك
عايزين نزرع ورد الحب
عايزك دايما تبقى معايا بكل كيانك
عايز الخوف جواكى يموت
لجل ما تبقى حياتنا جميلة
و تبقى طيور الحب ما بينا
تغنى بحبك و معاه حبى
قلبى حيفضل يستناكى
لأن ف بعدك عنى عذاب
كل ما تيجى
قلبى بيحضن روحى و يرقص
و اما تغيبى
روحى بتحضن قلبى و تبكى
و انا وياهم منتظرينك
يا ريت ما تغيبى عنى كتير
علشان نفتح باب جنتنا
و نعيش فيها حياه ايديه
ما فيها بعاد
ليست هناك تعليقات:
إرسال تعليق