ما أعرفش ليه
..........
ما أعرفش ليه ف حضنك بكيت
وأنا إللي ياما كتير غنيت
مهما الألم بياخدني هناك ..
وكنت بفتح ميت شباك
للحب والشمس الدافية ..
تشوفيني بين دمعك باسم
وضحكتك ترجع صافية
ما أعرفش ليه المرة دي ..
ياحبيبتي بكيت
..........
يمكن عشان الجرح لما يفيض
بيزيد ..
يمكن عشان وإنتي معايا
بتروحي بعيد ..
والنار ولو بعديها رماد
من تاني تقيد
ده أنا كنت بفتح ميت شباك ..
للحب والشمس الدافية
تشوفيني بين دمعك باسم ..
وضحكتك ترجع صافية
ما أعرفش ليه المرة دي ..
ياحبيبتي بكيت
.........
يمكن عشان حسيين بالوحدة
بين اللمة ..
والضحكة دي لسة بتطلع
بدموع نايمة ..
واللمسة وإن كانت بحنان
الكون ناعمة ..
ده أنا كنت بفتح ميت شباك
للحب والشمس الدافية ..
تشوفيني بين دمعك باسم
وضحكتك تطلع صافية ..
ما أعرفش ليه المرة دي
ياحبيبتي بكيت
..........
محمدعبدالرحيم
ليست هناك تعليقات:
إرسال تعليق