مشيت والتوهه وخداني
ومش عارف طريقي منين
نسيت والدنيا نسياني
من قسوتها سقيتني أنين
امشي الطريق واعود تاني
والف وادور مع التايهين
ومن بعيد واحد ناداني
ورحت وقلت عايز مين
ضحك والضحكة فى وداني
والدمعه سكنت نن العين
ياريت ياللي عارفني
تقولولي انا ابقى مين
قالي تعالى وكلمني
انت رايح فين ولمين
قلت انا ناسي اسمي
وانا ماشي مع التايهين
طبطب علي وطمني
ونساني ان كنت حزين
قعدت معاه ووجبني
ويسأل كل اللي ماشيين
ياريت ياناس تدلوني
لافى حد رد ولا قال دا مين
انا اللي الكل نكروني
وعارف نفسي وعقلي رزين
الناس والدنيا ظلموني
فكرت اعيش مع التايهين
وعلى الوحدة ارغموني
على قلبي داسوا ومش حاسين
(((أسامه جديانه)))
ليست هناك تعليقات:
إرسال تعليق