الشاعرة ماجدة البهيدي أول منشوراتها.
قلبي معاك امانة
===========
انا قلبي معاك امانة
اوعاك تقسى عليه
وتبيعه مرة وحدة
ومتفكرش فيه
انا قلبي بين ايديك
عمره ما يغلى عليك
بهديك انا عمري كله
والعالم واللي فيه
يا غالي حس بياه
تعال وشوف عينيا
محتاجه نظرة وحدة
وعطشانة بتناديلك
ايام ولا انت داري
بتمر مع الليالي
بتعدي تفوت عليا
عمالة تقيد في ناري
اه يانا يا حب عمري
والله ولا مرة عمري
قلبك ده هان عليا
مهو حبك مش بأمري
بصعب على الناس حبيبي
وانت شايف لهيبي
ياللي قدري ونصيبي
ولا يوم صعبت عليك
عمالة بلوم في قلبي
ياللي ساكن في قلبي
جوايا ومستخبي
متقولي ساكت ليه
انطق قول اي حاجه
ياللي انت كل حاجه
شايفها وحاسس بيها
ولا يوم هتخفى عليك
ليه القسوة في طبعك
ده عمره مكنش طبعك
طول عمري انا عارفة طبعك
والله وماشية عليه
قولي مين حس بيك
بعدي ومين يشتريك
انا بس اللي بحبك
وبالعالم اشتريك
عارفة بتقول لروحك
مين يشفيلك جروحك
دانا روحت وخدت روحك
وروحي اللي ساكنة فيك
اه يانا الفرقة مرة
دانا بتعذب ميت مرة
حبيبي وحشني صوتك
كلمني حتة مرة
لا هلومك على اللي فات
ولا اقولك ذكريات
كفاية عليا إنك
فاكرني للمات
2020 /18/8
:
#ماجدة_البهيدي
ليست هناك تعليقات:
إرسال تعليق