الثلاثاء، 19 نوفمبر 2019

قصيدة بعنوان/(عدوتة مخنوقة )/بقلم الكاتب الاديب الراقي/الشاعر المبدع/جمعه عبدالمنعم ابوان

جمعه عبدالمنعم ابوان
بادئ محادثة · أمس الساعة ‏١١:٤٩ ص‏
عدوتة مخنوقة
....................
لية يابوى علتمني
الحنية والطيبة
ونسيت تعلمني...
الحساب ....
عدوتة مخنوقة
ع لسان مشلول
مش قادر ينطق بيها ...
وبسمة فوق الشفاه
مرسومة
وعيون حزينة
ودمعه مش عايزة تنزل
وآحزان كتيرة
ف قلب طيب
وهموم فوق الكتاف
تقيلة
ليه يابوي
علمتني الحنية والطيبة
دا عمك
ودا خالك
ودا جدك
ودا سيدك
ليه يابوي
علتمتني
الحواديت
أنام ف حضنك
وأنا باحلم إنى بكرا أبقى
الشاطر حسن
أو الزناتى خليفة
ليه خلتني
أتعلق بكتب الحكايات
والمواوبل
والف ليلة
وليلة
ونسيت تعلمني
الحساب
وأرسم على الحيطان
ست الحسن
وأحب الناس
والنخيل
والنيل
والغيطان
وحب الوطن
فرض
زى الصلاه
بالظبط
وما عرفتش ف يوم
يابوي
تعلمني أحب
نفسي
ليه يابوي
سبتني بدري
عود طري اخضر
ولسة بأتعلم
أول درس ف
كتاب الحساب
عدوتة ع لسان
مشولول مش قادر ينطق بيها
أنام على أمل ف بكرا
البسمة تكبر
والفرحة تبقى
فوق شفايف الوطن
كل الوطن
مرسومة ع الحيطان
يزول الهم
من ع الكتاف
وأقول موااااااااااال
لكل الأجيال
يتغنى في كل الاوطان
..................
بقلم // جمعه عبد المنعم يونس //
مصر العربية
23 يوليو 2012

مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)