صيدة بعنوان/( الله يسامحك)/بقلم الكاتب الاديب الراقي/الشاعر المبدع/ محمد الغزلاوى

الشاعر محمد الغزلاوى

‏٤‏ ساعات

الله يسامحك
..............
جرحت قلبي بقسوتك
الله يسامحك
ونسيت حياتي ف دنيتك
وانا كنت فرحك
كنت أما اشوفك
والدموع ماليه عينيك
أمسح دوعك واحضنك
خايفه عليك
واحكي حكاياتي المضحكه
حكايات كتير متفبركه
واما اشوف الابتسامه
بتطل من خلف البكا
أفرح واحس اني بصحيح
طيبت جرحك
ف جرحت قلبي بقسوتك
الله يسامحك
.......
ماتقوللي ايه تمن الخيانه
اللي اندفع من غير حساب
وللا انت من حقك تخون
واعيش انا بجرح وعذاب
قوام نسيت عشرة سنين
حب وهنا
وتهد بيت كان اتبنا
علي حبنا
ازاي قدرت عملتها
ازاي قدرت وبعتها
وانت اللي ياما قلت له
فداك حياتي كلها
تلاقيك زعلت اكمني
جيالك باصارحك
فجرحت قلبي بقسوتك
الله يسامحك
ونسيت حياتى ف دنيتك
وانا كنت فرحك
.......................