رسايل مخفيه
الرساله الحادية عشر
===============
محبوبتي
بعد السلام
والاحترام
وحب لسه في قلبي باقي
لكن مايوصفهوش كلام
بعد الحنين حب السنين
اصبح مابين الوهم عايش
بين كان حلال أو حرام
🌹وحشتيني🌹
أنا محتاج أفضفضلك. واحكيلك بعيش ازاي من بعدك
خلاص مش عارف أوصلك يابيعاني ومش بايعك
يا اجمل ذنب عاش فيا ومتداري مابين ضلعي
ياعشق بألف أغنيه وبكتبها وانا بدعي
دا حبك في الخيال ليلي وأنا المجنون علي أرضك
وايدي بجد مش طايله. لكن قلبي ولا بايعك
🌹وحشتيني🌹
دأنا تايه ومتأثر
أنا ع الصبر مش بصبر
ولكن بتمني ليكي الخير
دا فوق الناس متتصور
أنا اللي في قلبه حمل هموم
وعارف إن طبعي كتوم
ما أنا الظالم ومش مظلوم
عشان انساكي مش هقدر
🌹وحشتيني🌹
ورغم الاختلاف بنا خلاص موجود
وحتي الماضي ولا لحظه يا عمري يعود
لكن بدعي أنا في سري وأقول يارب احميها
واحفظها واعطيها
وبارك في الحياه ليها
لكن العمر مش هيعود
وحبك فيا أنا موجود
وبسأل ليه
ليه الوعود صبحت جحود
كل اما قرب خطوه ليكي
تبني انتي بنا كتير سدود
أصبح خلاص بنا الحدود
وكأني عايش عمري واحدي
مع حب عمر مالوش وجود
🌹وحشتيني🌹
وبدعيلك مع حالي
ويا حالي
أنا المكتوب علي جبينه يعيش العمر يهواكي
أنا اللي ربنا يعينه علي الغربه اللي برضاكي
تعبت من الوجع لكن دا حالي وكاتمه بين قلبي
وقلبي للوعود صاين وسر بيعلمو ربي
بإن ادعي عشان خاطرك بدون تقصير
وأتمني الفرح ليكي بكل ضمير
وأكون راضي علي حالي اللي أنا عايشه
وأقول يارب يمكن بعدي عنها دا خير
ودا معني وعاش فيا
مكفيني
بكل رساله مخفيه
وحشتيني
🌹وحشتيني🌹
==============
احمد طلبه
الرساله الحادية عشر
===============
محبوبتي
بعد السلام
والاحترام
وحب لسه في قلبي باقي
لكن مايوصفهوش كلام
بعد الحنين حب السنين
اصبح مابين الوهم عايش
بين كان حلال أو حرام
🌹وحشتيني🌹
أنا محتاج أفضفضلك. واحكيلك بعيش ازاي من بعدك
خلاص مش عارف أوصلك يابيعاني ومش بايعك
يا اجمل ذنب عاش فيا ومتداري مابين ضلعي
ياعشق بألف أغنيه وبكتبها وانا بدعي
دا حبك في الخيال ليلي وأنا المجنون علي أرضك
وايدي بجد مش طايله. لكن قلبي ولا بايعك
🌹وحشتيني🌹
دأنا تايه ومتأثر
أنا ع الصبر مش بصبر
ولكن بتمني ليكي الخير
دا فوق الناس متتصور
أنا اللي في قلبه حمل هموم
وعارف إن طبعي كتوم
ما أنا الظالم ومش مظلوم
عشان انساكي مش هقدر
🌹وحشتيني🌹
ورغم الاختلاف بنا خلاص موجود
وحتي الماضي ولا لحظه يا عمري يعود
لكن بدعي أنا في سري وأقول يارب احميها
واحفظها واعطيها
وبارك في الحياه ليها
لكن العمر مش هيعود
وحبك فيا أنا موجود
وبسأل ليه
ليه الوعود صبحت جحود
كل اما قرب خطوه ليكي
تبني انتي بنا كتير سدود
أصبح خلاص بنا الحدود
وكأني عايش عمري واحدي
مع حب عمر مالوش وجود
🌹وحشتيني🌹
وبدعيلك مع حالي
ويا حالي
أنا المكتوب علي جبينه يعيش العمر يهواكي
أنا اللي ربنا يعينه علي الغربه اللي برضاكي
تعبت من الوجع لكن دا حالي وكاتمه بين قلبي
وقلبي للوعود صاين وسر بيعلمو ربي
بإن ادعي عشان خاطرك بدون تقصير
وأتمني الفرح ليكي بكل ضمير
وأكون راضي علي حالي اللي أنا عايشه
وأقول يارب يمكن بعدي عنها دا خير
ودا معني وعاش فيا
مكفيني
بكل رساله مخفيه
وحشتيني
🌹وحشتيني🌹
==============
احمد طلبه
ليست هناك تعليقات:
إرسال تعليق