بحبك
أجمل كلمة في الدنيا
لكن موش عايزاها مجرد كلمة
عايزاها بكل معانيها
لما تقولها تكون فعلا بتعنيها
قبل ما تنطق حروفها
تكون حاسس أووي بيها
عايرة اشوفها في كل أفعالك
عاىزة لما ازعل منك
تيجي بسرعة تاخدني في حضنك
تطبطب على ووشك بيضحك
تمسح دموع عيني بيدك
عايزاك تعاملني
قبل ما اكون حبيبتك
اكون بنتك واختك
اكون امك
اكون كل نساء الكون عندك
بحبك
كلمة جميلة
عاىزة أعيش كل معانيها
عاىزة السكن والمودة والرحمة
نكون انأ وانت حاجة واحدة
عاىزة اكون لك كل الدنيا
عمرك مافي يوم تزعلني
دايما بتعمل اللي يفرحني
بحبك
أجمل كلمة في الدنيا
محتاجة اسمعها كل ثانية
الحب زي الزهرة
دايما محتاج مراعية
أجمل مافي الدنيا
قلوب تحس ببعضيها
هى ده السعادة بكل معانيها
ياحبيبي عاملني بحب
تلاقي كل الحب
اشيلك جوة عنية
حياتنا كلها تبقى هنية
ارويك من أنهار الحنية
ايامنا تبقى وردية
قبل ماتكون حبيبي
انت اخويا وابني
ابويا اللي أسند عليه ضهري
نصيبي من كل الدنيا
على صدرك ارتاح من كل مواجعي
بين ايديك ينزاح همي
معاك تحقق كل احلامي
بحبك
كلمة جميلة
عايزين نعيش معانيها
نعيشها بكل جمالها
الحب موش مجرد كلمة
الحب يكون في كل افعالنا
الحب
اجمل وأروع كلمة
لما تكون صادقة
طالعة من قلوب طاهرة
الحب
موش مجرد كلمة
ولا لحن في غنوة
الحب
نور
ينور كل الحياة
الحب
أجمل مافي الدنيا
الحب
هو كل الدنيا
صبري حسين
ليست هناك تعليقات:
إرسال تعليق