قصيدة بعنوان((انته اويانه عايش))بقلم الكاتب الاديب الراقي /الشاعر المبدع/ عارف شلش الساعدي

الشاعر عارف شلش الساعدي

٣٦ دقيقة

(انته اويانه عايش )
شعر عارف شلش الساعدي
انته اويانه عايش
اومرت سنين

ليش اتروح
اشو ماودعتنه
اجت لحظه وغفل
تنباگ یاحیف
و مثل رمش الاعیون
اتغيب عنه
كرونا أو قدر ذاك
الله الينشاف
ويواعدنه بوعد
من الله ربنه
ينبهنه ويگول
اجنودي اهواي
وحيرة باليموت
اشلون دفنه
ومحد يحضره
اويفتح التابوت
لوتصلي عليه
اومن يلقنه
ولك جارك ابصفك
ماتصل ليه
وشلون اتواسي
اهله اوذاك ابنه
وباء اكرونا گلي
الينتشر ليش
من لاغيره ظلت
لا محنه
وعالم للحرام
التاكل اهواي
وطغاة البشر عالرب
ملها معنه
لان الله خلقنا
اشكال والوان
من روح اوجسد
كلنه انخلقنه
گال الارض اسعي
وامشي اوعيش
وماكو كل حدود
الي تحدنه
ونفط ربنه كنز
الكل الاجناس
وگالو هالکنز
موش انه کلنه
وصارت فتوه
کلمن یفتي بالكيف
وقف شيعي ومسيحي
وعدنه سنه
وذاك الي اجه
من ناهب الدار
المجرم والقتل
والي سرقنه
حرامي البيت
چان امسافر بعید
مجنس بره
وهسه الي عدنه
اجه وياكرونا جايب
كل الامراض
وفيروسات شنعدالها
صفنه اوالله محنه
النهب هالشعب
والثرواته الاتروح
بجيوب الدول
ذيچ ادخلتنه
ومن حرب الحرب
ماتبطل اليوم
وجواسيس البلد
تدري احكمتنه
انته اويانه عايش
اومرت اسنين
اوليش اتروح
اشو ماودعتنه