قصيدة بعنوان/(الله يخليكى ياشده )/بقلم الكاتب الاديب الراقي /الشاعر المبدع/ Mohamed Salem

Mohamed Salem

ساعة واحدة

{الله يخليكى ياشده }
خلاص. من النهارده
اعترف كمان وبشده
على مثل قالته الجده
الله يخليكى ياشده
الله يخليكى ياشده
إللى يقولك حبيبى
انت قدرى ونصيبى
انت دوايا وطبيبى
ويضيع. كل الكلام دة
الله يخليكى ياشده
واللى يقولك ياصحبى
وجرحك هو جرحى
وانت عيشى وملحى
وانت كل الموده
الله يخليكى ياشده
مين إللى. كان مختفى
ومين. مخلص ووفى
مين. إللى عايزك عفى
اخلاصه. بميت معاهده
الله يخليكى يا شده
مين إللى صاين للامانه
يدعى تقومله بالسلامه
مين إللى عايش للملامه
بس شاطر فى المناهده
الله يخليكى يا شده
مين إللى كان يقول
انت حبيبى على طول
وفجأه بقى مشغول
ومشاعره بقت بارده
الله يخليكى يا شده

إللى مسئلش فيك
ولا فكر يوم يجيك
او حتى انه يهاديك
بدعوه او حتى ورده
الله يخليكى يا شده
اللى قلبه كبير
واللى زارك كتير
واللى دعالك بخير
بصوته وبمشاهده
الله يخليكى يا شده
إللى زعلان عشانك
واللى جالك وزارك
واتمنى يكون بدالك
بمشاعره وبالمسانده
الله يخليكى يا شده
اللى هزك بكاه
واللى وصلك دعاه
وقال يارب معاه
ودعالك كل سجده
الله يخليكى يا شده
كلمات
محمد السيد سالم