قلت نسامح
وننسى اللي فات
ظلموني وبطيبتي
غدروني
نتفكر
النار
تشعل في قلبي يا مخلولي
دموع جمر تجري على خدودي
يا موعودي
اش من سماح يا غالي
بعدوني على اهلي وبلادي
سنين غربة
حرمان
دموع
اهات
حسرة
على اكبادي
وتقلي سامح الاعادي
لا رحموني ولا رحموا
اولادي
الدم من قلبي
يجري وديان
عطيتهم ثيقتي
ما جابولي
كان الاحزان
والدموع
اليوم على خدودي
تسيل وديان
العمر فات و تعدى
قلب ما شاف الراحة يوم
وتقلي سامح يا مغبون
هذا شيء غريب
وما يزيدني كان دموع
وتنهيد
وتتراكم علي الهموم.
دحيت أمري لله
هو ليهم بالمرصاد
أقرب ليهم م حبل لوريد
اللي مشى بالضد
انا نحاربه بالضاد
بجاه ربي والمراد(ص)
اشكون يججف دموعي
يا مهبول
اشكون يردلي ما ضاع
رزقي على الله
والحبيب المطاع(ص)
بكيت من القهر
وظلم الناس
يا ريتك تعرف اللي صار
ربي عالم بالاخبار
قادر وجبار
يحكم بعدل واتقان
يحكم بين الناس
ترقب زمانك
والمكان
وشماتة العديان
هذا كلامي للفرسان
رجلة وشجعان
الدنيا غدارة
و العجلة تدور
افهم المعنى يا مغبون
ورد زيد لزيدون
ورجع حق المظلوم
قبل ما يدور عليك الدور
وتقلي سامح يا مظنوني.
الشاعر مصطفى عماري
ليست هناك تعليقات:
إرسال تعليق