نهر الحياة
خالد المنصوري/مصر
على شط نهر الحياة...شوفت أنا مركب .
وسمعت صوت بيقولي .. ياللا أوام أركب .
عملت مش سامع .. وخايف أروح أقرب .
بعديها سمعت صوت ..ضحكة هناك عالية .
بترن فـ المية ..وتقوللى تعالي مش هتغلب .
قولت الموج هناك عالي وخايف أروح أغرق .
قلي متخافش .. الموجة هناك مش عالية.
رديت عليه بحنية ..خلاص جاي أركب .
ونسيت ساعتها أسأل ..واخدنى الموج لفين .
ولا المراكبى مين ..وكإنى متغمى وأنا بركب .
وفـ وسط نهر الحياة ..وسمعت صوت بيقول .
يلا خلاص أنزل ..غيرك هنا هيركب .
ويادوب هقول إزاى ..لقيت إيدين شايلانى
وبقوة رميانى ..حدفتنى بر المركب .
قعدت أعافر وأعوم ..أصل الحياة غالية .
وقابلت ناس غيري... حدفتهم المركب .
منهم اللي غرق ... ومنهم اللي بيعافر .
على شط نهر الحياة...شوفت انا مركب .
خالد المنصوري/مصر
خالد المنصوري/مصر
على شط نهر الحياة...شوفت أنا مركب .
وسمعت صوت بيقولي .. ياللا أوام أركب .
عملت مش سامع .. وخايف أروح أقرب .
بعديها سمعت صوت ..ضحكة هناك عالية .
بترن فـ المية ..وتقوللى تعالي مش هتغلب .
قولت الموج هناك عالي وخايف أروح أغرق .
قلي متخافش .. الموجة هناك مش عالية.
رديت عليه بحنية ..خلاص جاي أركب .
ونسيت ساعتها أسأل ..واخدنى الموج لفين .
ولا المراكبى مين ..وكإنى متغمى وأنا بركب .
وفـ وسط نهر الحياة ..وسمعت صوت بيقول .
يلا خلاص أنزل ..غيرك هنا هيركب .
ويادوب هقول إزاى ..لقيت إيدين شايلانى
وبقوة رميانى ..حدفتنى بر المركب .
قعدت أعافر وأعوم ..أصل الحياة غالية .
وقابلت ناس غيري... حدفتهم المركب .
منهم اللي غرق ... ومنهم اللي بيعافر .
على شط نهر الحياة...شوفت انا مركب .
خالد المنصوري/مصر
ليست هناك تعليقات:
إرسال تعليق