قصيدة بعنوان/((أنا قلب بيتحرق ))/بقلم الكاتب الاديب الراقي/الشاعر المبدع/Nabil Zidan

Nabil Zidan

ساعتان · tagإضافة موضوعات

أنا قلب بيتحرق ...
أنا حلم بيتسرق....
حسسنى يا حبيبى بيك
سمعنى كلمة تطمنى عليك
قبل ما ييجى يوم
عن بعض و نفترق
يا حلم عمرى اللى كان ....
يا ريتك جنبى زى زمان ...
اديتك حبيبى الامان ....
وادتنى انت الحرمان ....
ليه راحت الفرحة من عينينا ...
ليه ضاعت الدنيا من ايدينا ...
ليه تاهت السكة فى خطوينا ...
مبقاش فيه حلم نحكى لبعض عليه ....
و لا أمل نعيش أنا و انت بيه ....
مبقاش فاضل غير جرح نبكى عليه
وذكرى حب جميل نعيش عليه
ليه بعدنا ليه ...
ايه ذنب حبنا ايه ...
عارف يا حبيبى و حشنى أد ايه
أد كل ثانية فى عمرى يا حبيبى .... وحشنى
أد كل أشواق الدنيا يا روحى......... وحشنى
عارف يا حبيبى بحبك أد ايه
أد كل نبضة فى قلبى ..... بحبك
أد كل كلام الحب ........ بحبك
أد ضعفى وانا جنبك ...... بحبك
عارف يا حبيبى فى بعادك أنا ايه
أنا قلب بيتحرق ....
أنا حلم بيتسرق....
حسسنى يا حبيبى بيك
سمعنى كلمة تطمنى عليك
قبل ما ييجى يوم
و عن بعض و نفترق
أنا قلب بيتحرق
كلمات نبيل زيدان