قصيدة بعنوان/((انا تحت امرك ))/بقلم الكاتب الاديب الراقي/الشاعر المبدع/حسن الشوان

حسن الشوان

ساعة واحدة · tagإضافة موضوعات

................... انا تحت امرك ............
لسة بارضوا عايشة في حيرتك
ومش عايزة تفتحي عينيكي
لسة حطة إيدك على قورتك
والطين محني كفوف إيديكي
قلوبنا بتجيب في سيرتك
وعايشه دايما مشغولة بيكي
والطيور اللي شافت صورتك
حزينه وبتبكي معانا عليكي
الطرحة مكفية علي شيبتك
وملامحك بتبوح بلون لياليكي
من صغري متمرمغ في حجرك
علمتيني كل حروف معانيكي
ودوقتيني الحنيه من صدرك
وكبرت جوة قلبك وحواليكي
وأول مرة أغيب من عمرك
القا إحساسي من جوايا يناديكي
أجيلك ملهوف انا تحت آمرك
وكل حاجه حلوة في حياتي ليكي
ايوة يا امه انا عارفك بصبرك
بس نفسي اسمعك واسمع اللي فيكي
.......................................................
.................... حسن الشوان .................