قصيدة / العنكبوت
- - - - - - ----------
للشاعر المصري / أحمد ابراهيم
- - - - - -------------
أهون بيوت العنكبوت ضعيف يا صوت
ميت على أول حدود شمس الغروب
من أمتي كان للشمس ضؤ
من أمتي كان للنور شروق
من أمتي كان للورد شوك
من أمتي عايش
من سنين مسكون بموت
سبعين سنه عمري و انا بين جبانات
صرخة عذاب والحزن بات
فوق الرفات جسدي انا محني وضعيف
والحب بين العاشقين كم حب مات
كم الف صرخة وعنوانها السكات
كم الف بسمة معجونه بأهات
خاين يا ليل والصبح كان
حلم ف منام اربط حزام
واقلع تاريخ واطلع علي كوكب مريح
وانسي الحياه خليك مبحلق ف النجوم متقولشي كام م السنين عدي ورحل
خليك علي كوكب زحل
أو مشتري أو حتي احلم انك
علي وش القمر بين النجوم
والعن وجودك كل يوم
لو يوم صحيت خليك مغمض العنين
واشرب خمور الأرض مليانه بغيلان
والدم شارب الحدود
والأرض من سبعين سنه والأرض بور والاكسجين علي أد مجموعة غيلان
اهرب علي كوكب وبات
واحلم تكون انسان كريم
ع المشتري أو زحل
والعن وجودك ع المدن
العن وجودك في النجوع
والعن كمان أرض النفاق
خليك مغمض الجفون
واسكن في خوفك كل يوم
وعيش جبااااااااااااااااااااان
----------------------
بقلم الشاعر المصري /أحمد إبراهيم
ليست هناك تعليقات:
إرسال تعليق