الشاعر المصري / احمد ابراهيم
**************************
في قصيدة / يا مّه سلام
*******************
اخر كلام يا مّه سلام
ده الكون محال يصبح ورود
صعبة الحياة ميت الف اه
طرحه بألم بين الخدود
عايش وانا اشلأ بشر
تايه وانا
واقف على كل الحدود
بصرخ بصوت
ف الفضا
مالي المدي
مكتوب على كل النجوم
اشلأ بقايا من هموم
كاسيه الهدوم
طال الجفاف على رحلتى
والرحلة موت
طاااااااال السكوت
اخر كلام يا مّه سلام
ده الكون محال يصبح ورود
والصبح رافض ينتفض
وجسدي رعشه بتتنفض
عايش بموت
والموت وجود
عايش وانا شمعة هنا
بتقيد وساحت ع الحدود
والنور محال يكسي الحدود
زمني خلاص مابقاش خلاص
زمن الأمان
حتى المكان
مابقاش خلاص نفس المكان
عليت جبال
م الهموم فوق الهدوم
والدمع نازل م البكي
يامّة خلاص راحل بقا
بين الحدود
اخر كلام يا مّه سلام
ده الكون محال يصبح ورود
*************************
بقلم الشاعر المصري / احمد ابراهيم
ليست هناك تعليقات:
إرسال تعليق