؛؛؛؛؛؛؛؛؛؛؛؛؛؛؛؛؛؛؛؛؛؛؛؛{ بقلمي / حمادة مختار }؛؛؛؛؛؛؛؛؛؛؛؛؛؛؛؛؛؛؛؛؛؛؛
وبيسألوني كتير عليك .............
إزاي عينيك .............
سحروني من أول لقا .
وإزاي كمان لمسة إيديك .............
خلتني أحن كتير إليك .............
وروحي فيك متعلقه .
فيك م الحنان مليون صفه ...........
قلبي اللي اختار واصطفي ..........
أرواحنا كات متوصفه ..........
علي حب خالي من الشقا .
و إزاي بقا .. هوصفلهم .........؟
أوصفلهم نظرة عينيك ............
والشوق ماليهم بالحنان .
أرسملهم لمسة إيديك ............
تملاني احساس بالأمان .
أوصفلهم غيرتي عليك ............
لو شوفت عين بتبصلك .
وإزاي ببات مشغول عليك ...........
وقت الغضب بستحملك .
مانت الملك .............
ولعرش قلبي بتمتلك .
أنا بسألك ................
إزاي هتوصف حبنا .................
لو حد جالك يسألك .
هتقول لهم إيه ياملك ..........؟؟؟
هتقول لهم إن حالة من الجنون ...؟؟
حالتنا تشبه ليلي والمجنون ..؟؟
ياحياة قلبي وروحي قول لهم .......
احنا حالة ماتتوصفش بكلمتين ....
احنا نشبه ياحبيبي إيد و عين .
كل كلمة حب بيننا ...............
عايزة كام صفحة ف كتاب .
كل نظرة شوق مابيننا ..............
خالية م اللوم و العتاب .
ابتسامتك نور بيملا الدنيا ديا .........
فرحة أشوفها بعيني وألمسها بإيديا .
احنا حالة امتزاج مابين روحين .....
مستحيل هتلاقي زينا ف البشر .
انا وإنت ياحياتي توأمين ..........
اتخلقنا لبعضنا بأمر القدر .
قلب واحد .. نبض واحد ............
صعب جدا نفترق .
احنا أسطورة ف زماننا ................
ماتسجلتش علي الورق .
وإزاي بقا هوصفلهم .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛{ حمادة مختار }؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ليست هناك تعليقات:
إرسال تعليق