الشاعر محمد
كل حاجة فى الشتا
لها طعم تانى
المشاعر و الدموع .. حتى الأغانى
لما الشتا يدق البيبان
باقوله طبعا ..إتفضل
يا فصل مغزول من الأحضان
على قد مشاعرى مِتْفَصَّل
دا حتى فصل الشتا بيتكلم .. و بيلاغى
بأصوات ليها ميت معنى فى و جدانى .. و فى دماغى
كصوت الريح فى شباكى
و صوت الرعد .. لو زعَّق
و مطرة من سحاب باكى
و ضى البرق .. لو برَّق
و لسعة برد بتفوَّق
فصل الشتا بيجمع و لا يفرق
اللمة فى الشتا أحلى
و الضحكة فى الشتا أصفى
و الحزن فى الشتا أشجى
و الفرحة فى الشتا أدفى
و أحلى حاجة فى الشتا ... الكلفتة
الكلفتة فى البطانية
أو جوه حضن
أو انى أمسك بين إيديا
مج سخن..
و أما باتكلفت فى جاكت مع كوفية
و أمشى فى الشارع و أنا مربع إيديا
باحاول أقفش آخر حتة دفا ... فيَّا
مش برده حضن ؟؟؟
كل حاجة فى الشتا
لها طعم تانى
المشاعر و الدموع .. حتى الأغانى
لما الشتا يدق البيبان
باقوله طبعا ..إتفضل
يا فصل مغزول من الأحضان
على قد مشاعرى مِتْفَصَّل
دا حتى فصل الشتا بيتكلم .. و بيلاغى
بأصوات ليها ميت معنى فى و جدانى .. و فى دماغى
كصوت الريح فى شباكى
و صوت الرعد .. لو زعَّق
و مطرة من سحاب باكى
و ضى البرق .. لو برَّق
و لسعة برد بتفوَّق
فصل الشتا بيجمع و لا يفرق
اللمة فى الشتا أحلى
و الضحكة فى الشتا أصفى
و الحزن فى الشتا أشجى
و الفرحة فى الشتا أدفى
و أحلى حاجة فى الشتا ... الكلفتة
الكلفتة فى البطانية
أو جوه حضن
أو انى أمسك بين إيديا
مج سخن..
و أما باتكلفت فى جاكت مع كوفية
و أمشى فى الشارع و أنا مربع إيديا
باحاول أقفش آخر حتة دفا ... فيَّا
مش برده حضن ؟؟؟
ليست هناك تعليقات:
إرسال تعليق