قصيدة بعنوان/بتبكى ليه ما إنتى اللى قولتى كل شىء بينا إنتهى/بقلم الشاعر الاديب الراقي/ هشام رضا

الشاعر هشام رضا

ساعة واحدة

#_بتبكى_ليه
بتبكى ليه
ما إنتى اللى قولتى
كل شىء بينا إنتهى

بتبكى ليه
ما إنتى اللى خونتى
المحبه اللى وهبتها
كُنتى عايشه دور البريئه
وأساسك مبنى على الخداع
كانت تايها عنى الحقيقه
لأن طيبتك كانت قناع
بتبكى ليه
ما إنتى اللى إختارتى
تبيعى قلبى وتبعدى
بتبكى ليه
ما إنتى اللى هجرتى
القصه وهى بتبتدى
انا كُنت واهبلك الحياه
ومخليكى أميرة الزمان
ولميتك على الحب اللى تاه
مع قلبى وأخرتها يتخان
بتبكى وعيزانى أسامحك
وأرجع أشتاق لهواكى
إزاى وانا كاره ملامحك
وكاره كمان يوم لُقاكى
ولو جت ساعة إحتضارك
قلبى عليكى مش هيتحرق
مش ده برده كان قرارك
إنــنــا لازم نـفــتـــرق!!
إوعى تقولى إنى هفكر
فيكى تانى أو أحنلك
لأ بالعكس أنا هقوى أكتر
وأنسى إنى إشتقاتلك.
#هشام_رضا