Tarek Elsayed
إبني إبنك ماتبنيلوشإبني إبنك وماتبنيلوش
إن بنيتله ماهتبنيهوش
يصبح كأنه
كتكوت في عشة
عضامه هشة
في عصر الوحوش
وإن بنيته
وعليت في حيطه
بنيت بناية
عمرت بيته
شقيت قنايا
ترويله غيطه
وإديتلو ريشة
يرسم حياته
وإديتلو إبرة
يغزل بخيطه
أتواب طموحه
أو حتي يرفي
في شقوق جروحه
يمشي في طريقه
وفي وقت ضيقه
بعرق جبينه يتبل ريقه
إبني إبنك ماتبنيلوش
لايبقى سمكة
في بحر القروش
ولا وحش ضاري
ماتملكوش
يبقى سبع
وبقلب ليّن
ويكون حنيّن
مع الأليف
مايكونش هيّن
أو يوم ضعيف
مع الوحوش
ذات الكروش
نصيحة مني ماتبنيلوش
بقلم طارق السيد
ليست هناك تعليقات:
إرسال تعليق