أسقاط ع يوم قديم : العجوزة (4)
ــــــــــــــــــــ لـ /أحمد البدرى على
بتحوش ليالي العمر
فى( سباتة )
وتحت (الخـُص) (1)
خريطة العمر مرسومه
ومحفوره يا دوب ع الوش
ملامح زيف بترمح( رمح ) (2)
( تـكرمش) وش قمح النيل (3)
وإيد (مرعوشه ) وبتمسح
جـَبين كام ليل
وجسم هذيل كما النخلة
يميل يحضن فى كل أصيل
و(منخار) النظر باهت (4)
(بتعسعس) فى وش الصبح (5)
أنا (سنداه) (عشيه ) حاجات (6)
(أ ُم على ) بتنور سواد الليل (7)
( جاز ) المحبة (عويل) بينور (8)
فى كل (رِواق)(9)
سامعني يا واد ؟
(عنادى ) الدنيا محبوسه (10)
على سبحه وسجادة
وخاتم يعنى م (الفلصو) (11)
حديد وبفص كالعادة
وعـُقد (النـَيلوا)كام خرزة (12)
بيلمع فـَضي بزيادة
(دِبارة ) صوف و(عاصماها )(13)
لـ ( فـَكْ) الإيد مصاحبها (14)
(حلقان ) الودن مربوطه (15)
بخيط كتان
ودق (الوشم ) تحت الدقن
تلات وحدات
عليها حاجات !!!!!!
حالها كاحال ولاد الناس
تتسلي بأواجعها ع الماضي
وأنا قاضى يسطر قلبى دمعتها
ساعات تفرش لى طرحتها
وأنام علي حجرها وأتغطى ب(التـُلى )(16)
بطبط وبتقولى ( نوم العوافى )
تغافلنى وتتسحب ع (الــِرواق )
وتفتح ( طاقة ) الخزنه ف قلب الحيط(17)
ومن حـُقْ الصفيح تجـِيب لي حاجات
(قـِطـَع )سكر وكام (تعريفة ) مش صفرة (18)
( نواكل ) (ملاليم ) و (قرش أبيض )
وتحكي معايا بالساعات
كنا نبيع ونشترى كل شئ بالبيض
وكان (السلف ) عادة لـ كل هد وم
اللى معاها (جلابية ) تلف الحىّ
بــ (القبقاب ) مفيش شراب
(تبص ) فـ وشى أصفر ليه
كيف الشمس فى غروبها
ياااااك يا واد محسود !؟
وتشبر علي راسى
وع الجلبيه طول وعرض
يا وااااد الكلب
مش قولت متروحشى
عند أم عين صفرا
دا أم فلان حـَسّادة
عينيها مدورة ونقمه
عليا النعمه لو شفتك
حداها هناك ما (أغيتك )(19)
جابت أبره وورقة برد
عملت عروسه و( تنكت ) (20)
فى عين فلان وعين فلاتان
و فى (عين اللى شافك
ولا صلاش ع النبي )
بعود بخور علي حفنه من الجلة
بتبخر وبتخمس وتتمني
نكون أنا وانت في الجنه
وتميل علي ودني (توسوسني)
هقولك كلمة للدنيا وتهمس لي
الدنيا (غيط ) وزرع (21)
وبكره بعدهُ ( اللحد )(22)
أزرع عشان تحصد
دنيا ماليها أمان
ولا دايمه ياابنى لحد
ــــــــــــــــــــــــــــ أحمد البدرى على
ــــــــــ أحمـــــــــــ بدران ــــــــــــــد
معانى المفردات
1ـ سباتة ،خـُص :حائط وسقف البيت ويصنع غالبا من البوص القيضى .أو جريد النخيل .
2ـ رمح : الجرى . 3ـ تكرمش : ما يظهر على الوجه عند التقدم بالسن والكبر من تعاريج بالوجة و الايدى .
4ـ منخار : الانف . 5ـ تعسعس : تتحسس الأشياء .
6ـ سنداه : وضعتة فى مكانه .(عشيه ) : أمبارح او الليله الماضيه . 7ـ أم على : أسم يطلق لى مصباح ينير بالجاز الاحمر
8ـالجاز : السولار . (عويل ) : شريط أو فتيل مصنوع غالبا من القطن او القماش . 9ـ رواق : حجرة . 10ـ عنادى : غوايش مصنوعة من البلاستك . 11ـ الفلصو: اى مخالف لطبيعة الحقيقة فالخاتم الحقيقى يصنع من الذهب اما غير ذلك فنقول فالصو.
12ـ النيلوا : كل شئ مصنوع وقتها من الكرستال أو من البلاستك وغالبا ما يكون لونه أزرق لميع .أو أبيض .
13ـ دبارة : خيط أو فتيل مصنوع من الصوف .(عصماها ) ربطاها بشدة وقوة . 14ـ فك الايد : ألم بمفصل اليدين
15ـ حلقان : جمع حلق وهو ما يلبس بالأذن .
16ـ التـُلى : نوع من انواع القماش يصنع منه الطرحه
17ـ طاقة : مكان محفور داخل الحائط على شكل مربع له باب خشب يغلق عليه بمفتاح ويشب الخزنه فى العصر الحديث .
18ـ قـِطع : مربعات من السكر على شكل طع .( وكام (تعريفة ) مش صفرة
( نواكل ) (ملاليم ) و (قرش أبيض ) : عملات مصريه قديمه
19ـ أغيتك : الضرب المبرح دون ان يتدخل احد ليمنعنى من الضرب . 20ـ تنكت : توغز الابره فى الورقة بقوة .
21ـ غيط : حقل . 22ـ اللحد : القبر .
ــــــــــــــــــــ لـ /أحمد البدرى على
بتحوش ليالي العمر
فى( سباتة )
وتحت (الخـُص) (1)
خريطة العمر مرسومه
ومحفوره يا دوب ع الوش
ملامح زيف بترمح( رمح ) (2)
( تـكرمش) وش قمح النيل (3)
وإيد (مرعوشه ) وبتمسح
جـَبين كام ليل
وجسم هذيل كما النخلة
يميل يحضن فى كل أصيل
و(منخار) النظر باهت (4)
(بتعسعس) فى وش الصبح (5)
أنا (سنداه) (عشيه ) حاجات (6)
(أ ُم على ) بتنور سواد الليل (7)
( جاز ) المحبة (عويل) بينور (8)
فى كل (رِواق)(9)
سامعني يا واد ؟
(عنادى ) الدنيا محبوسه (10)
على سبحه وسجادة
وخاتم يعنى م (الفلصو) (11)
حديد وبفص كالعادة
وعـُقد (النـَيلوا)كام خرزة (12)
بيلمع فـَضي بزيادة
(دِبارة ) صوف و(عاصماها )(13)
لـ ( فـَكْ) الإيد مصاحبها (14)
(حلقان ) الودن مربوطه (15)
بخيط كتان
ودق (الوشم ) تحت الدقن
تلات وحدات
عليها حاجات !!!!!!
حالها كاحال ولاد الناس
تتسلي بأواجعها ع الماضي
وأنا قاضى يسطر قلبى دمعتها
ساعات تفرش لى طرحتها
وأنام علي حجرها وأتغطى ب(التـُلى )(16)
بطبط وبتقولى ( نوم العوافى )
تغافلنى وتتسحب ع (الــِرواق )
وتفتح ( طاقة ) الخزنه ف قلب الحيط(17)
ومن حـُقْ الصفيح تجـِيب لي حاجات
(قـِطـَع )سكر وكام (تعريفة ) مش صفرة (18)
( نواكل ) (ملاليم ) و (قرش أبيض )
وتحكي معايا بالساعات
كنا نبيع ونشترى كل شئ بالبيض
وكان (السلف ) عادة لـ كل هد وم
اللى معاها (جلابية ) تلف الحىّ
بــ (القبقاب ) مفيش شراب
(تبص ) فـ وشى أصفر ليه
كيف الشمس فى غروبها
ياااااك يا واد محسود !؟
وتشبر علي راسى
وع الجلبيه طول وعرض
يا وااااد الكلب
مش قولت متروحشى
عند أم عين صفرا
دا أم فلان حـَسّادة
عينيها مدورة ونقمه
عليا النعمه لو شفتك
حداها هناك ما (أغيتك )(19)
جابت أبره وورقة برد
عملت عروسه و( تنكت ) (20)
فى عين فلان وعين فلاتان
و فى (عين اللى شافك
ولا صلاش ع النبي )
بعود بخور علي حفنه من الجلة
بتبخر وبتخمس وتتمني
نكون أنا وانت في الجنه
وتميل علي ودني (توسوسني)
هقولك كلمة للدنيا وتهمس لي
الدنيا (غيط ) وزرع (21)
وبكره بعدهُ ( اللحد )(22)
أزرع عشان تحصد
دنيا ماليها أمان
ولا دايمه ياابنى لحد
ــــــــــــــــــــــــــــ أحمد البدرى على
ــــــــــ أحمـــــــــــ بدران ــــــــــــــد
معانى المفردات
1ـ سباتة ،خـُص :حائط وسقف البيت ويصنع غالبا من البوص القيضى .أو جريد النخيل .
2ـ رمح : الجرى . 3ـ تكرمش : ما يظهر على الوجه عند التقدم بالسن والكبر من تعاريج بالوجة و الايدى .
4ـ منخار : الانف . 5ـ تعسعس : تتحسس الأشياء .
6ـ سنداه : وضعتة فى مكانه .(عشيه ) : أمبارح او الليله الماضيه . 7ـ أم على : أسم يطلق لى مصباح ينير بالجاز الاحمر
8ـالجاز : السولار . (عويل ) : شريط أو فتيل مصنوع غالبا من القطن او القماش . 9ـ رواق : حجرة . 10ـ عنادى : غوايش مصنوعة من البلاستك . 11ـ الفلصو: اى مخالف لطبيعة الحقيقة فالخاتم الحقيقى يصنع من الذهب اما غير ذلك فنقول فالصو.
12ـ النيلوا : كل شئ مصنوع وقتها من الكرستال أو من البلاستك وغالبا ما يكون لونه أزرق لميع .أو أبيض .
13ـ دبارة : خيط أو فتيل مصنوع من الصوف .(عصماها ) ربطاها بشدة وقوة . 14ـ فك الايد : ألم بمفصل اليدين
15ـ حلقان : جمع حلق وهو ما يلبس بالأذن .
16ـ التـُلى : نوع من انواع القماش يصنع منه الطرحه
17ـ طاقة : مكان محفور داخل الحائط على شكل مربع له باب خشب يغلق عليه بمفتاح ويشب الخزنه فى العصر الحديث .
18ـ قـِطع : مربعات من السكر على شكل طع .( وكام (تعريفة ) مش صفرة
( نواكل ) (ملاليم ) و (قرش أبيض ) : عملات مصريه قديمه
19ـ أغيتك : الضرب المبرح دون ان يتدخل احد ليمنعنى من الضرب . 20ـ تنكت : توغز الابره فى الورقة بقوة .
21ـ غيط : حقل . 22ـ اللحد : القبر .
ليست هناك تعليقات:
إرسال تعليق