&&&محمودعمار الزلباني&&&&
--------------
من يوم ما قلبك شغلني
أنا قلبي سابني وراح
لقلبك فرحان يغني
جالك طالب السماح
يا قلبي فايتني ليه
ل قلبه تجري عليه
يا قلبي ارجع كفايه
دا حنانه مش هتلاقيه
----
يا قلبي اسمع كلامي
ارجوك ارجع تعالى
وبلاش تزود آلامي
متخليش حالتنا حاله
إحنا مش قد هواه
ولا قد حرقه وآهـ
كان فيه قبل منك
قلب حبه كواه
------------
يا قلبي خليك معايا
صدقني خايف عليك
بلاش تكون النهاية
مع إللي عامل شاريك
يا ما باع قبلك كتير
هتعيش عمرك أسير
ندمان ع اللي عملته
انت ع البر أمير
----------
يا قلبي فكر ثواني
بلاش تحيرني معاك
وافضل عشانك اعاني
مر الهجر ف هواك
خليك يا قلبي في حالك
ع البر هتشوف جمالك
بلاش حد يشاغلنا
معايا هتنول وصالك
******************محمودعمار الزلباني
ليست هناك تعليقات:
إرسال تعليق