قد القول
كلمات / رضا أبو الغيط
********************
خايف م الضلمه وعمايلها
بتلطش... ف اللى مقابلها
لا هى حاسه باللى بيعشقها
ولا شايفه... اللى مزعلها
كلمات / رضا أبو الغيط
********************
خايف م الضلمه وعمايلها
بتلطش... ف اللى مقابلها
لا هى حاسه باللى بيعشقها
ولا شايفه... اللى مزعلها
راح أقيد كشافى اللى ف ايدى
م الفرح ...الجارى ف وريدى
وأتغصب ....ع الضلمه تنور
وأدور ... على نفسى وعيدى
و أتمشى ف دهليزى العاشق
لخطاوى.... ولصوت قباقيبى
وإن سهم العتمه كان راشق
لا ها سلم ...ولا أقول ده نصيبى
وها اكمل لازم مشوارى
وأتحدى الضلمه اللى ف دارى
وافتح شبابيكى المقفوله
للشمس... تولد لى نهارى
وأتشعلق ف جناحها لفوق
وأشيل.... م الرقبه الطوق
وأغرف من نورها واغنى لها
وأبدرها للخلق تفوق
وأمسك ف سحابه معديه
وأعزمها تنزل ف بلدنا
وتجيبلى... وياها هديه
تروينى ...وتنبت زادنا
و ميعادنا ف الصيف الجاى
ف السهره عند الطبليه
مش حاطت ع المنقد شاى
إلا وإن كانت ...ويانا بهيه
فارده على كتافنا ضفايرها
وخدودها... جميله ورديه
ولا حدش... يقدر يعايرها
بأولادها ..وأجيالها الجايه
جيبالنا.. ف مشنه رغيف
من قمح.. طارح ونظيف
ف غيطانا اللى ما بارت منا
ولاصابها.. عُنف وتجريف
فرحانه ..بطرح المحصول
شيفانا.... مع أصل الفول
وف إيدنا القطن بيترقص
ع الماكنه وعلى وتر النول
بعديها.. ها نصب الشاى
للطارح.. م الجيل الجاى
ونحًكى على صوت الناى
رجاله.... وكانوا قد القول
م الفرح ...الجارى ف وريدى
وأتغصب ....ع الضلمه تنور
وأدور ... على نفسى وعيدى
و أتمشى ف دهليزى العاشق
لخطاوى.... ولصوت قباقيبى
وإن سهم العتمه كان راشق
لا ها سلم ...ولا أقول ده نصيبى
وها اكمل لازم مشوارى
وأتحدى الضلمه اللى ف دارى
وافتح شبابيكى المقفوله
للشمس... تولد لى نهارى
وأتشعلق ف جناحها لفوق
وأشيل.... م الرقبه الطوق
وأغرف من نورها واغنى لها
وأبدرها للخلق تفوق
وأمسك ف سحابه معديه
وأعزمها تنزل ف بلدنا
وتجيبلى... وياها هديه
تروينى ...وتنبت زادنا
و ميعادنا ف الصيف الجاى
ف السهره عند الطبليه
مش حاطت ع المنقد شاى
إلا وإن كانت ...ويانا بهيه
فارده على كتافنا ضفايرها
وخدودها... جميله ورديه
ولا حدش... يقدر يعايرها
بأولادها ..وأجيالها الجايه
جيبالنا.. ف مشنه رغيف
من قمح.. طارح ونظيف
ف غيطانا اللى ما بارت منا
ولاصابها.. عُنف وتجريف
فرحانه ..بطرح المحصول
شيفانا.... مع أصل الفول
وف إيدنا القطن بيترقص
ع الماكنه وعلى وتر النول
بعديها.. ها نصب الشاى
للطارح.. م الجيل الجاى
ونحًكى على صوت الناى
رجاله.... وكانوا قد القول
ليست هناك تعليقات:
إرسال تعليق