قالوا عليا خطير
خاين كمان شرير
يا إما ابقى جبان
يا إما ابقى ضرير
أصلي بعاني كتير
وغطايا هو البرد
وهموت من التوفير
مالك كدة يا دنيا
سوقتي معايا العند
راح اموت انا م الجوع
ويقولوا اكتم سد
وبوس ايديك امال
خيرك دامالهوش حد
حامد وشاكر ربي
عايش كمان ع القد
رابط على بطني
حيلي ياناس اتهد
ولا حد شايفني
ولا عمر حد بيرد
قالولي قول رأيك
بينك وبين نفسك
ولا يسمعكش حد
بصرف على الفواتير
وشقايا راح للغير
يا حلاوة التغيير
ويا خيبة مالهاش حد
والشوك دا أصله كتير
وعاملي روحه ورد
Ibrahmin
ليست هناك تعليقات:
إرسال تعليق