مكنتش مصيرك
* * * * * * *
للشاعر المصري / احمدابراهيم
* * * * * * * * * * * * *
مكنتش مصيرك هبعد واسيبك
تعيشي الجراح بدمعه وصراخ
ويسكن عيونك سواد الليالي
وتحلم عيونك بنور الصباح
هسيبك وهمشي وهبعد وأعيش
بحلمي اللي باقي بحبة براح
مكنتش مصيرك وغايب ضميرك
يا كدبه وراح
معاكي الحنين قتلتي السنين
عشقتي الخداع في قربك ضياع
وحضنك ده شوك قتلتي الشروق
بغدرك ومات سألتك هربتي
في لحظة سكات
خريفك وبات بيقتل ورود
وبيني وبينك دروب من نيران
وبعده الحدود
قوليلي بربك فين الضمير
حضنك سيوف بتجرح وريد
وتقطع عروق زمانك غروب
يا كدبة حياه بعشها بموت
ربيعك وفارش دروبي بشوك
مكنتش مصيرك هبعد واسيبك
لوحدك هتبكي عيونك هتشكي
خريفك يغطي سواد الليالي
مكنتش حبيبك يا كدبة زماني
همشي وههرب لازم تدوقي
في لحظه هروبي جراح السنين
وتبكي بأنين وقلبك أسير بيصرخ قوبالي مكنتش مصيرك هبعد واسيبك
وهرمي زمانك وهكتب بقلمي
نهاية رحيلي مكنتش مصيرك
ولا انتي مصيري
* * * * * * * * * * *
بقلم الشاعرالمصري / احمدابراهيم
ليست هناك تعليقات:
إرسال تعليق