قصيدة بعنوان//احنا فين .//بقلم الكاتب الاديب الراقي// الشاعر مصطفى العيادي

مصطفى العيادي

الآن

. .... احنا فين ....
يا حبيبي ..
أتمنى احب العمر كله ..
واستلف عمر تاني م السنين ..
ساعات تعدي ..
من غير ما حس ..
وابقى عارف ..
يا حبيبي إحنا فين ..
شوق ولهفة ..
وحب ناره ..
تطفي جمرة غيرة ..
قادت ف الحنين ..
يا حبيبي .. إحنا فين !
الليل بيحكي .. والقمر
حارس .. قاعد لنا ..
يعد الثواني مين قدنا ..
النسمة طايرة ..
في السما ..
شاهد علينا ..!
رايحة تحكي
و تعلن حبنا ..!
م الشوق ..
نسينا بعضنا ..
عِشْنا لحظة حب
غابت عننا ..
يا حبيبي إحنا فين !
يا حبيبي ..
أحب الحب
واعشق نسمتك ..
ونظرتك وهمستك ..
حتى الغيرة تاهت ..
من كلمة طافت ..
بعيون ملانة بطلعتك ..
حافضل احلم ..
إن الحلم عشة حب تجمع ..
بين حناني وعشرتك ..
يا حبيبي احنا فين !
(مصطفى العيادي)