*********************
في قصيدة / زمان الخضر
******************
زمان ضايع بدون أسباب
سفينه فى بحر غرقانه
واه يا مصير هنا كداب
حبوب نشفه على الاعواد
وناس تايه على الأبواب
زمان الخضر ده كداب
دفوف الجوع وعزف الناي
دموع شايله من الأوجاع
زمان الخضر ده أوهام
زمان مغشوش ماليه الغش
وبحر غريق فى وسط القش
وناس غرقانه وبتصرخ
زمان الخضر
كان كداب ماليه الغش
دفوف بدب وشوش بتحب
كلمة ظلم وزاد الرقص
فى وجودك وزاد الظلم
خلاص يا خضر ايامك
بشر بتموت بتعلي الصرخه
فى وجودك طريقك موت
وسور مايل وانت تهد
و مات الزرع فى وجودك
وزاد الفقر وزاد القهر
وزاد الموت زمان الخضر
كان عنوان لأول موت
زمان ضايع بدون أسباب
غباء الخضر ضيعنا خلاص بنضيع
خلاص موتنا على الأبواب
بينادي على الأحباب
زمان الخضر كان تافه
وكان كداب وكان كداب
*******************
بقلم الشاعرالمصري/ احمدابراهيم
ليست هناك تعليقات:
إرسال تعليق