قصيدة بعنوان / ( فوق الحدود )تتناول كل انسان عربي جريح فوق الحدود/بقلم/الشاعر المصري / احمد ابراهيم

الشاعر المصري / احمد ابراهيم
**************************
في قصيدة / ( فوق الحدود ) قصيدة تتناول كل انسان عربي جريح فوق الحدود
***********************
القلب باكي لسه واقع ع الدروب

والصبر شاكي نفسه لحظه ف يوم يفوت
يعبر هناك قبل الهلاك
مايكون محاوط الحدود
هو انتى ايه قلبك ده ايه
والله فاق قلب اليهود
بصرخ انا بصرخ انا
بصرخ وعايش بس عايش عيشه موت
ازاي اعيش من غير امل وبتوعدي
احمال كتير على درب عمري تزوّدي
والصبر فاض والحمل مال وكل مرة بتكدبّي
هوّ انتى ايه قلبك ده ايه مولود انا مولود غريب
مالهوش تمن فى سوق عبيد والبيع زاهيّد
بارخص تمن ازاي تبيعي انتى فيا وتشتري
وازاي عليا تحمّليني حمل فاق فوق الحدود
وانا ليكى ايوة لسه بصرخلك بصوت
ارحميني ارحمي
الليل وساكن عمر راكن ع الرصيف
فوق البيوت المهدودين عصفوربيصرخ م التعب
بجناح ضعيف
فوق الجبال اصوات انين هزت قلوب المجروحين
وازي بقا يموت هنا كل الضمير
شباك قديم
مكسور وساكنه النسور والريح تزور
كل ليله البيبان والدرب درب اللى خان
واللى افتري طب ليه انا
رمياني واقع ع الرصيف
اصرخ وانا وانا لسه عينى مدمّعين
ع الحدود بحلم افوت
واهجّر ليالي قسوتك فوق الحدود
القلب باكي لسه واقع ع الدروب
حالم يفوت يرمي معاكى قسوتك
جسدي النحيف فوق الحدود
نفسة فى يوم ويودّعك اخر كلامي انا بكرهك
بس فى قلبي انا بعشقك بعشقك بعشقك
*************************************
بقلم الشاعر المصري / احمد ابراهيم