قصيدة بعنوان/الدنيا سوق /بقلم الشاعر الاديب عادل الشهابى

عادل الشهابى

15 دقيقة

****** الدنيا سوق ******
قالوا مالك متعكر يا عم أهدى وروق ...
كله هيعدى ده منظمها سيدك اللى فوق ...
بلاش تفكر كتير دى الدنيا تشبه سوق ...
الحلو فيها صعب تشوفه وفى لحظه للمر تدوق ...
وفى ثانيه كمان بتفك لو كنت كتير مخنوق ...
خليك مع الخالق وسيبك من المخلوق ...
تلاقى الناس تحبك وتعاملك كمان بذوق ..
وقلبها ليك يكون حب أكيد وشوق ...
خليك أعلى من الدنيا وبصلها يا سيدى من فوق ...
أصلها دنيا وغالب فيها المصالح ...
وكله علشان مصلحتة مع بعضه بيتصالح ..
فيها ما تعرفش تفرق بين الصالح والطالح ...
فعلا زى ما قالوا انها مركاتو ...
والأنسان فيها رخيصه حياته ...
يتعب مهما يتعب مش بيحقق ذاته ...
يشقى فيها لحد وفاته ...
وأبدا ما يعوض اللى فاته ...
قالوا كتير عنها رضيه ...
منزوع منها الحنيه ...
وطبعها سايد عليه الانانيه ...
ودايما فيها باكيه عنيه ..
مالك يا دنيا مالك بيا ..
خفى بقا عليه شويه ....
سوق السلعه فيها جراح ...
وفيها ابدا ما هنرتاح ...
ولا هنعوض اللى راح ...
كفايه يا دنيا كفايه سماح ...
خفى كفايه بقا جراح ...
نفسى فى يوم يا دنيا أرتاح ...
بقلـــــم: عـــــادل الشــــــهـــابى