** -حلم عاشق - **
حفرتك ...
جوه قلبي ... دار .
خير ...و ... عمار .
أرض ... خضار .
فجر يخلي
ليل العمر ...
يطرح ييجي
ألف نهار .
ينسيني ... طعم
المر و الصبار .
بنيت ليكي
بيت في أحلامي
وله جنينة .....
شجرها
عشقي أنا ليكي ...
و أشواقي يا حب العمر ...
هيى الورد و الأزهار .
عايش و ياكي أيامي
في أحلامي ...
تناديني و أناديكي ...
نضحك ... و ... ألقى
ضحكتك ... بترن .
ضحكة كلها أشواق ...
ضحكة تخلي
قلب الجن ...
يدوب ...و ... يحن .
جوه الحلم ... بنوتة ...
صغنطوطة ...
جميلة ... كلها ...
إنتي ............
سميتها أنا .....
حبيبة ...........
حبيبة قلبي
أنا بنتي .....
ألاعبها .....
أجري وراها أعاكسها
تجري الضحكة سبقاها ...
وتنادي في ضحكتها ...
تقول .......ماما .......
فين ..... إنتي .....
تقابليها و لصدرك تضميها
وضحكة حلوة ملياكي
أقول هاتي ...
أكلها هم
تقولي لأ ... دي بنوتي .
ونضحك كلنا ضحكة
تمحي حزن
كل الكون .
أنا .....عاشق
أنا ...ب ... أحلم ...
ومش ... مجنون .
لكني ... ب ... أحب
حب ... جنون .
كمان في الحلم ...
ساعات ...تزعلي مني ...
ساعات ... ب ... أزعل
كمان ... منك .
وبعد ثانية ... نتصافى
م أنا قلبي ... عاشق قلبك .
عايش في الحلم
ب ... أتمنى ...
أموت و أنا راسي
على ... حجرك .
عنيكي الحلوة ...
تحضني ... و ... أحضنها ...
و أتشاهد .....
آآآآآآآآآآخر حاجة ألمحها
تكون ..... صورتك
آآآآآآآآآآخر حاجة أسمعها
تكون دعوتك ليى
يا رب .....دخله الجنة
الموت صح ... فرقنا ...
لكن ربك رحيم رحمن ...
في الجنة ح يجمعنا
ح تبقي أجمل من ...
بنات الحور..........
نبينا الهادي خبرنا .
مش عايز هناك غيرك ...
م هو إنت أغلى
م أتمني ...............
ليست هناك تعليقات:
إرسال تعليق