اصدقائى الاحباء – هذه ترنيمة بالعامية لعيد الميلاد بعنوان فى ليلة ملهاش مثيل-
مع اطيب الامانى لمصر ووطننا العربى الكبير بالخير والامن والسلام
فى ليله ملهاش مثيل --------------- لما اكتمل الزمان
الكون باهر و جميل ---------- و نجوم زاهيه الوان
---------------------------------------------------------
مرد
دا عيد ميلاد مجيد ------------------ افراحنا فيه بتذيد
بعد ما كنا عبيد ------------------ اصبح خلاصنا اكيد
بميلاد ادم الجديد ----------------- يسوع الابن الوحيد
---------------------------------------------------------
قمرفرحان بيميل ---------------- بالفضه على الوديان
السما مجد وتهليل -------------- والارض سلام وامان
دا عيد ميلاد مجيد
----------------------------------------------------------
وادى الخليقه سهرانه ----------- بصنوج تهليل فرحانه
واجراس بهجه رنانه ---------------- يا سعدنا يا هنانا
دا عيد ميلاد مجيد
-----------------------------------------------------------
طل الفجر متحنى ---------------- بدحكة شمس بتهنى
ملايكه وعصافيربتغنى -------- يا بشريه افرحى وتهن
دا عيد ميلاد مجيد
-----------------------------------------------------------
فضلت الاجيال تتمنى --------- جيل ورى جيل تستنى
مولود عجيب اهوجالنا -------------- بسر فوق عقولنا
دا عيد ميلاد مجيد
-----------------------------------------------------------
وهدايا شايلنها مجوس ------------ من بعد سفر طويل
سجدو للنونو القدوس ---------- بخشوع مليان تبجيل
دا عيد ميلاد مجيد
-----------------------------------------------------------
راح الزمان القاسى---------------- و ابتدى عهد جديد
عهد نعمة خلاصى --------------- بميلاد الابن الوحيد
دا عيد ميلاد مجيد
بقلمى يوسف ونيس مجلع
ليست هناك تعليقات:
إرسال تعليق