بعز العمر مايعدى
وعز النفس ماتهدى
انا العاشق وانا المحتار
انا العاشق جمال همسك
وانا المحتار على امسك
وبكتب ف الهوى اشعار
واشعارى على الذكرى
وعمرى ماقولت ايه بكره
وبعشق قاعدة السمار
وبتسامر على حبك
وبتذكر جمال خدك
بيتفتح عليه ازهار
وزهرك ع الخدود نادى
واحلم واحنا بنادى
ونجرى بضفة الانهار
ونهرى بحسه بعيونك
وشاطه رسمه بجفونك
وعشقى للعيون مشوار
ومشوارى غزال شارد
بصحرا جوها بارد
بكلمة حب تكوينى تولع نار
ونارى البعد عن حضنك
ووجعى بحسه من صمتك
ب100 أهه
ومحبوسه بجدار الدار
ودارى لسه بذكرها
فى حلم بسيط بيسترها
كما الكراس
بأشعارى على سطورها
وكنتى اجمل الاسرار
وتاه السر من حلمى
ولاعرفتوش ولا بعلمى
بإن الحلم كان نوه
تدور بينا بزمن دوار
وبعد الحب ماجمعنا
بتيجى ايام وتدمعنا
وتنزع م القلوب اسرار
واهى احلام وعشناها
مع اشكال عشقناها
بوسط زحمة الاخبار
ولسه برضه انا قاعد
وبنتظرك ف الف قطار
................ احمدعامر ......................
ننوه ان ماينشر حق مسجل بالهيئات المنوطه بذلك 528970/2017
ليست هناك تعليقات:
إرسال تعليق