الشاعر / أحمد إبراهيم
************
يكتب / جواز سفر
*************
بين عقارب الساعات
والزمن بالوقت فات
بين دروب الذكريات
وعيني على القدس العتيق
مليون خريطه ف الكتاب
والتاريخ حاكي على كل المدابح يوم فى غزة
و يوم شتيلا
وصبرة مرة
ودم محمد ابن درة
ع الطريق
لسه دمه نهر جاري
لسه حلمه ع السطور
بين رفوف الجالسين
أمر فيتو بعد فيتو
بعد بعد الف فيتو
ولسه دمه ع الطريق
رفض شجب أو خضوع
أو غضب لسه أمر أبو لهب
نافذ على كل الرقاب
واللى فكر يوم يعارض
أو يقول كلمة عتاب
أو يفكر انه يقدر
يوم يطير بجناح يرفرف
ع السحاب يبقى وااااااااااااااهم كلكم عايشين عبيد
خاضعين
مزلولين
مجرمين
والخيانة بدم طفل
اسمه لسه متكتبش
في شهادة الميلاد
ايوة لسه الحلم ايوة مكتملش
بين حدود بين وجود
بين جواز ورقة سفر
بين حدود كل الوطن
بين حدود الذكريات
والدرة يصرخ بالدموع
مين أباح دمي انا
مين سرق حلمي انا
ومين سرق شجر الزتون
مذنبين غاصبين ظالمين
ومعاكوا حبه م الغنم
بالخيانة مجرمين
والله يلعن كل واطي
أو يطاطي لمجرمين
والله يرحم كل درة
اللي دمه لسه ساخن
ع الطريق والسؤال
مين اللي خان واللي ساب الأقصي يبكي بين بيبان
والبيان بالشجب مرة
بعد مرة بعد الف الف مرة
مين أباح يقتل محمد ابن درة؟
وده السؤال؟
***********
بقلم الشاعر / أحمد إبراهيم
ليست هناك تعليقات:
إرسال تعليق