قصيدة بعنوان {الرحمه أنت. } بقلم الكاتب الاديب الراقي/الشاعر المبدع أحمد طلبه

Ahmed Tolba

4 س

الرحمه أنت.
سيدنا النبي
تسوا إيه الدنيا
لو مكنتش جيت

تبقي سودا وعاميه
ولا كنت أنا صليت
من فضل ربي أرسلك رحمه
والرحمه أنت
وللخلق أنت اهتديت
لما اتولدت جا أبويا بودني كبر
وسما أسمك
يا رب صَل علي الحبيب
شوف النصيب
إني ابقي مسلم
والحمد لله
لكنت أنا ضليت
دا الرحمه انت
وللخلق أنت اهتديت
.............
قالو البخيل اللي سمع أسمك
ولا صلّآ
اللهم صَل عليك
أنا نفسي ابكي
بين ايديك
واقف وراك وادعي واصلي
زي الصحابه من حواليك
يا رحمه بتطوف بالسما
يادي الهنا
دي ملايكه بتصلي
من فضل ربي أرسلك رحمه
والرحمه أنت
وللخلق أنت اهتديت
..........
يوم القيامه الكل بيقول نفسي
وانت تقول أنا لها
دي أمتي
يا رب رحمه لأمتي
شوف الكرامه
سيدنا النبي يوم القيامه
ياخد بإيدنا للسلامه
وانا للأخره اشتريت
واما بكيت
حسّيت بأسمك يا نبي
وبأسمك صليت
من فضل ربي
أرسلك رحمه
دا الرحمه أنت
وللخلق أنت اهتديت
.........
أنا لما شوفتك بالمنام
سكت الكلام
وطلع السلام
وجريت عليك
وبين ايديك
بكيت
ما هو بين إيديك
بالفرحه أنا حسيت
دا الرحمه أنت
وللخلق أنت اهتديت
كلمات أحمد طلبه