قصيدة ( حالف يمين ) 26 نوفمير 2017
******************
للشاعر المصري / احمد ابراهيم
**************************
حالف يمبن مليون يمين
لمسّح دموعك يا بهيه وانتفض
على كل خاين
كل غادر
كل كافر يوم بدين المؤمنين الساجدين الراكعين
ارهاب حقير ملعون زميم
وف شرع مين يموت بريئ
جوة الكنايس والجوامع
والدم يجري بنار حريق
بين الشوارع والبيبان
والضحكه تعلي م الشيطان
وتعلي اصوات الكنايس بالجرس
ومعاها اصوت الجوامع بالاذان
تلعن شيطان كافر جبان
ملعون يا فكر الكدابيين
ملعون يا حاكم ع البشر بالموت ومين
اعطاك صكوك للحساب
او جنه او نار للعذاب فكرك رديئ
مالهوش اساس تقتل فى ناس
مسالمين خاشعين مؤمنين بالكتاب
الله رحيم خالق وعالم بالعباد
متقولش يوم انك امين
او حتى يوم م المسلمين
او حتى من اهل الكتاب
كدااااااااااااب يا كافر بالزبور
او بالناموس او حتى بموسي النبي
او حتى بعيسي النبي
او حتى بمحمد رسول
الشرع شرع الله حكيم
من شاء ليؤمن بالايمان
او شاء كفر كل البشر
على دين سيدنا ابرهيم مسلمين
لله وجهّهم للعبادة والصلاة
متقولشي مين كافر ومين
كل البشر ليهم اله
واحد كريم الله رحيم بالعباد
الله اكبر يا بهيه ع الولاد
الله اكبر يا بهيه ع اللى خان
الله اكبر من قلوب ماليان حقد
متلونّين بالسواد الله اكبر ع اللى خان
الله اكبر ع الجبان الخسيس
الله اكبر ع الشيطان
اللى قاتل ساجدين
الله اكبر يا بلد الصابرين
المؤمنين
الراكعين
والساجدين الله اكبر يا بلد الطيبين
حالف يمين ليموت زليل
كل اللى فكّر يوم يوسّخ طرحتك
او يألمك او يطعنك
حالف يمين بطور سنين
لا هتفرحي والفجر راجع تانى نور
اتبسّمي يا بهيه لسه الحلم ساكن فى العيون
واقف على كل البيبان
حالف يمين انى النهار
راجع على توبك بضؤ
لحظة شروق والطير مرفرف فى السما
وهتنتهي لحظة غروب
على مشرقك حالف يمين لرسم ورود على طرحتك
واكتب ويكتب التاريخ اعظم بلد
منها الولد الاسم مصري بيتكتب
ابن البلد اجدع ولاد
**************************
بقلم الشاعر المصري / احمد ابراهيم
ليست هناك تعليقات:
إرسال تعليق