قلبي وجعني
واي وجع
وجع شيب الشعر في كل جدع
طفل ببرائه ضحكتة
وبايدين ارهابي اغتالته
الضحكة ماتت
وماتت كمان صرخته
مات الطفل في حضن ابوة
وهو ساجد جنب اخوة
مات الاب وكان معيل
لاسرة كملة
تنتظر رجعته
ومات كمان العريس كانت الجمعه الجية دخلته
وساب الارهاب الدمعه سايله علي خدود عروسته والشبكه في ايديها بتصرخ علي فرقته
ومات الاخ الكبير لاخته اليتيمة كان بيفرح لما يرسم ضحكتها بعد ابوة شال مسؤليته
والتلميذ كمان فارق خلاص مدرسة وترك علامه وراح تحت التراب ايد الارهاب دفنته
مات العاجز والكفيف اللي كان محافظ علي فريضة ربنا
مات عمي سيد جوز خالتي زينب اللي ملهاش غيرو في الدنيا بعد ما اتحرم من خلفته
وماتت الرجال وترملت النساء
ماتت الرجال واتيتمت اطفال كتير
ماتت الرجال وتركت الدمعه مونسه
ماتت الشباب والعمر لسه في اوله
ماتت الاطفال واتحرق قلب الامومة عليهم
ومات .....ومات.....
ومات...كمان
مات المأذن رافع اذان الصلاه
بندة وبيقول حي علي الفلاح
مات الخطيب مات الحبيب مات الاريب ومات الجار
مات الغريب اللي كان ضيف علينا
وراحت انسته
مات كمان ....ومات كمان
مات الاولاد لاب راقد عالسرير كانو بيشقو لاجل يوفرو الدواء لمعالجته
ومات ومات كمان
في مسجد الروضة في العريش في سينا في مصر في الوطن العربي والعالم كله الفرحة والضخكة اندفنت بايد جبان
ومات كمان ومات كمان
بعد عالصوابع والصوابع موش مكفية العدد
واحد لاء اتنين لاء تلاته
عشرة عشرين ستين
مية متين
متين تلاته وخمسين للان
غير المصاب واللي في حاله حرجة وبينتظر الشهادة
والشهادة هي مكسبهم
واحنا في الحدث جلل
كل الحواس والمشاعر صابها فينا الشلل
ما تخيلنا ان لهذا الفكر الانسان قد وصل
معقوله لهذا قد وصل
#محمدلطفي_ابوالفتوح
ليست هناك تعليقات:
إرسال تعليق