قصيدة بعنوان/(( الهوا الممنوع))/بقلم الكاتب الاديب الراقي/الشاعر المبدع/ محمود عمار الزلبانى

محمود عمار الزلبانى

عضو جديد · ٩ ساعات · tagإضافة موضوعات

*******الهوا الممنوع*******
------------------------ محمودعمار الزلبانى
قعدت أقول يا خلق
وأعلي بالندى صوتي
وكلمة فى سقف الحلق
هي إللى مسببة سكوتي
إتسلقت حياتي سلق
ليه تتسببوا في موتي
-------------------
ميت بقى لي سنين
ومتحاسب على اللي راح
وفاضل فىي قلبي آنين
دفنوا معايا جراح
متكفن بدمع العين
والضحكة إتغيرت لنواح
-----------------------
ميت في الهوا الممنوع
وفاكر الدنيا نسياني
وياما هدت سفن وقلوع
وفاكره من البشر عنواني
أهرب في كفور ونجوع
أتريها شيفاني وكشفاني
----------------------
طب أشكي لمين همي
والكل في الهم شايل
لا خال نافع ولا عمي
والدمع ع الخد سايل
وعوازل تعكر ف دمي
بالهم تكتب رسايل
-------------------
يا دنيا فكي قيودي
خليني أحس بحياتي
ولا مرة توفي بوعودي
فكرك كله ف مماتي
كرهت فيكي وجودي
وبقيت أعد ف سعاتي
-----------------
يا فرح مالك ناسيني
ومفرح بس عزولي
تعالى حتى واسيني
الحزن محطة وصولي
طب وري طيفك عيوني
ودمعة ع الخد فاتولي
*****************
محمودعمار الزلبانى