قصيدة بعنوان/((نفسي أهرب.. ))/بقلم الكاتب الاديب الراقي/الشاعر المبدع/ موسى سعودي

Mousa Saudy

‏٢١ أغسطس‏، الساعة ‏٣:٣٧ م‏ · tagإضافة موضوعات

نفسي أهرب..
نفسي أهرب
بس عارف إني مش ليه ملجأ
مافي حضن ينفع ....
يكون ليَّه مخبأ
غيرِك إنتي
يالِّي إنتي
ما عمريش خفت منك
ولا عمري زهدت ضلك
ولا سقعني يوم برد بردك
ولا جريت استخبي
من حر شمسك
إنتي بس اللي اقدر أقولك
خبيني منك. ..
بس عندك
وانتي برضه اللي مهما جعت
مهما جعت.فيكي..
شبعي عندك..
ومهما تعرى بدني. .
وانكشفت
غطايا وستري منك...
بس ساعات كتيره..
بكز على سناني عليكي
منك...
والله منك
وبشتم و بصرخ
وكتير بخبط برجلي على صدرك
برضه منك...
أقولك....
كتير كتير دمعتي كتير..
ببكي بيها عليكي..برضه. .
منك...
قلتلك...كتير ماتكسِّليش
قلتلك...كتير ماترحميش
إللي بيولع قلبك علينا
ماتفرطيش في حق عليكي لينا
إنتي شايفه مين بيدبروا القتل فينا
وبينفذوه...
كل يوم في أهالينا
كسلك ورجفتك..
وخوفك من ردة فعلتك فيهم
على لسان أعادينا
حيكتر بلاوينا..
ياستي يا أم الصبر والصابرين
كفايه بقى صبرك على أعادينا
حتهلكينا والمصحف..
وحتخسرينا
وحتخسري انتي..
والمصحف..قبلينا
أقولك....ريحينا...
واضربي ولا يهمك..
رقابي إللي غدروا بينا
كفايه دمانا اللي سالت بقى
ودموع أهالي اللي اتقتل منا فينا
اسعفي في القصاص بقى
لجل ترضينا
لجل تحيينا
وتريحينا
خلصينا بقى..خلصينا
لجل تحمي نفسك..
وتحمينا..
يامصرنا
نفسنا تدمريهم
لجل تجمينا
و ترضي و ترضينا
موسى سعودي