بعد الكلام بعد المداوله .
مليون سلام والطيبه اولى
لو يوم تلوم على النصيب .
م المحتمل آخر محاوله
إنك تكون إنسان نظيف
والقلب فيك بدون مزاوله
ديما رحيم ديما عفيف
ومتقتلوش لخسارته جوله
والدنيا فيها أبواب كتير
متخلهاش للقلب توله
بس الخساره إنك تسلم
جوه البارات وبألف طاوله
ساعات بنخسر كل شىء
ومفيش بإيدنا أى شى
غير الصمود غير المحاوله
وإن جار عليك هم الزمن
إياك تنخ من ألف جوله
يمكن بمره تلاقى ناس
متنسهاش من أى دوله
واهى الحياة حبه تجارب
لازم تحارب
خلى الحياة شغلة مقاوله
تكسب ساعات تخسر ساعات
وإوعاك تقول ياعم لولا
إرمى اللى راح بدون عتاب
خلى الجراح زى الكتاب
مطوى برفه مليان تراب
وإكتب عليه فيه الف بلوة
خليه ميراثيعلموة لألف جيل
ويعرفوا مين العدو مين الخليل
وإكنب بجنبه جملتين
بعد الكلام بعد المداوله .
مليون سلام والطيبه آولى
لو يوم تلوم على النصيب .
م المحتمل آخر محاوله
.............. احمدعامر ..................
ننوه ان ماينشر حق مسجل بالهيئات المنوطه بذلك 0149/2018 س م ب
ليست هناك تعليقات:
إرسال تعليق