زي الحمام
أحمد صبري
-
زي الحمام بيشربني
من غير كلام بيعرفني
بيحس بيا بيفهمني
من غير كلام
زي الحمام
-
زي الحمام لما يجيني
يرمي السلام ويدفيني
وبحبه ليا يغطيني
أرتاح وأنام
زي الحمام
-
زي الحمام من مراسليك
أتمنى أرجع وأجيلك
أسمع كلامك أغنيلك
عشق وهيام
زي الحمام
-
زي الحمام وأنت معايا
الدنيا تيجي على هوايا
أطير أرفرف ف سمايا
وأرجع أوام
زي الحمام
-
زي الحمام بيحيرني
وساعات كتير بيسهرني
نظرة عيونه تخطفني
جوه الأحلام
زي الحمام
-
زي الحمام قلب حبيبي
أبيض بينبض بحنيني
ساعات كتير بيخليني
أدوب غرام
زي الحمام
-
زي الحمام لما ندالي
الشوق غلبني صحالي
قلبي وغير أحوالي
وبقالي أيام
زي الحمام
ليست هناك تعليقات:
إرسال تعليق