الشاعر / أحمد إبراهيم
*****************
يكتب / وفين اهرب؟
***************
وفين أهرب وأبعد عن مراسيكي
ده موج بحرك بيجرفني
وملعون اللي عاش فيكي
ده موت واضح
على دروبك من امبارح
وانا صارخ بأوجاعي ولا دريتي
ولا سمعتي ولا بأديكي طبطبتي
على كتفي ده انا ابنك ولا نسيتي
خلاص واضح
سواد الليل على دربك رماح جرحك
بيألمني وانا الصراخ
على جمري وليه حضنك
بيحرمني
بيرفضني
بيجرحني
يعذبني
ده ملعونه لياليكي خطاويكي
انا المكلوم وفاض الدمع من حبري
بلون الدم وزاد الهم مليووووون هم
ياريت كنت في يوم سكران
أو عقلي فى يوم اتجن
أعيش درويش على عتبة بيبان جامع
واتسول أعيش تاية
يكون زمني مالهوشي ساعات
ويتوقف كمان نبضي
جرحتيني وانا ببكي
ولا بأيديكي طبطبتي
انا كرهك وكاره كل شئ فيكي
انا ههجر لياليكي بعيد أهرب
وشوش الغش مرسومه علي نهدك
ونهدك للي كان خاين
ولا باين شروق فجرك
انا راحل بعيد عنك انا ههرب
**********************
بقلم الشاعر / أحمد إبراهيم
ليست هناك تعليقات:
إرسال تعليق