Tarek Elsayed
عم أباظةعم أباظة بكل لذاذة
ماشي ف وسط التاس يتقمع
لو بإديا أديه بإزازة
وأعصر عينة لما تدمع
ماشي يعاكس أي صبية
يقولها أشيلك جوة عنيا
بس تعالي تقول وانا مالي
يافالنتينو ياابن الجنية
يرد يقول أنا واد ديليكاه
ترد مابينا حد الله
روح ركبلك طقم سنان
ياغراب البين على أبو قردان
ياإما تاخد ياأباظة أجازة
وروح قضيها في الموريستان
عيني عليك يازمن شقلوب
فيك سي أباظة عامل تعلوب
يتجنن لو شاف فرخة بدارة
ولو مسكوه يعمل أرنوب
إعمل ياأباظة حساب الشيبة
ماتذودش الوكسة بخيبة
فصر كلامي ياعم إتلم
وبطل بقى شغل الحبيبة
بدل ماتاخدلك جوز إقلام
زي مابتشوف في الأقلام
فهمت كلامي ولا ماحوأش
فيك ياأباظة أي كلام
بقلم طارق السيد
ليست هناك تعليقات:
إرسال تعليق