قصيدة بعنوان /* سنــه جـــديــــــده/بقلم الشاعرعادل الشهابى

عادل الشهابى

ساعة واحدة

**** سنــه جـــديــــــده ******
أيام وهتيجى السنه الجديده ...
يا رب تكون على الكل سعيده ....
سنه راحت بحلوها ومرها ...
يلا مش عاوزين نقف عندها ...
بقول ليكم كل سنه وانتم طيبين ....
وبالعام الجديد تكونوا متهنيين ...
يا رب الكل فيها يحقق أحلامه ...
وفيها الحبيب يتهنى بغرامه ...
سنه راحت وسنه جايه ...
نتمنى يكون طابعها الحب والحنيه ...
من هنا بقول لآخواتنا المسحيين ...
كل عام وانتم غاليين ...
ومن القلب دايما قريبين ...
ومعانا فى بلد واحده عايشين ...
يا رب حياتكم وحياتنا تكون سعيده ...
والسنه اللى جايه مع بعض نفتح صفحه جديده ..
سنه راحت خلاص ومش جايه ....
راحت بكل ما فيها من آسيه ...
يلا مع بعض ننساها ...
وبلاش نفتكر مرها وأساها ...
والسنه اللى جايه تكون هى دواها ..
سنه تكون فيها البسمه عاليه ...
وتكون الناس على بعضهم غاليه ...
نقابل بعضنا نسلم بالآيد ...
ونخلى كل يوم يمر علينا عيد ...
ويبعد عنا كل حاقد وعنيد ....
أخوانى أخواتى أصدقائى كل عام وانتم طيبين ..
وتكونوا على القلب دايما يا رب غاليين ...
يجعل أيامكم فرحه ...
وكل بنت فيها تلبس الطرحه ...
وتروح فيها على بيتها الجديد ...
تتهنى بحبها والقلب يكون فرحان وسعيد ...
بقلــــــم: عـــــادل الشــــــهــابى