((((((( حبيبتى مجنونه .... )))))))
حبيبتى يا نـــاس مجنونــــه
هى صحيح مجنونه بس كتيييير حنونه
ساعه تقول بحبك وساعه تقول أنت مين
ساعه تقول انا ماليش غيرك ده عالم كله مجانين
وساعه تقول كل الرجاله وحشين وخاينين
ساعه الاقيها بتضحك وفرحانه لما بتسمع صوتى
وساعه تقولى كرهت دنيتى وبتمنى موتى
ساعه تقول ضمنى لحضنك وخبينى من كل الناس
وساعه تقول انت زيهم كلهم عديم الاحساس
ساعه تلاقيها بترقص وناسيه الدنيا وما فيها
وساعه تلاقيها بتلطم وجهها وهمومها بترميها
ساعه عيونها تدمع لما تشوفتى وتقول ما تسبنيش
وساعه تكلمنى بحده وتقول أبعد عنى وسبنى اعيش
(الشاعر محمد هلول )
ليست هناك تعليقات:
إرسال تعليق