شاهدة الايام عليا
احمد صبري
-
مهما نقابل و نشوف
انا وقلبي وعينيا
مافيش حجاب مكشوف
ولا حاجة زي ما هي
سنة تيجي ولا تروح
اهي كلها معدية
ومهما ابات مجروح
شاهدة الايام عليا
-
مهما نقابل مجانين
وخيانة صورة وصوت
وتروح علينا سنين
وحاجات جميلة تموت
ربنا بيهونها علينا
والليالي الصعبة تفوت
وبننقش حروف امانينا
على جدران البيوت
-
مهما الياْس هيتعبنا
ويغير شكل افكارنا
مهما البشر تلاعبنا
والماضي يصحى يفكرنا
غنانا باقي جوانا
ولا حد يقدر يكسرنا
واللي بيبيع هوانا
ريحنا منه وخسرنا
-
مش حاتغير ولا باتغر
و شاهدة الايام عليا
مهما الاقي قسوة وشر
وقلوب سودة ومؤذية
هي الدنيا زي البحر
موجة هادية موجة قوية
والناتج في سبيل الحصر
ضرب الروح والنفسية
ليست هناك تعليقات:
إرسال تعليق