* * * * * * * * * * * *
يكتب /يوم الحساب
* * * * * * * * *
فوق الرصيف
مرمي المشرد والضعيف
وقلوب حجر فيها البشر
مليانه حقد وزيف
ألوان قزح لون الرماد لون السواد
كاسي بواقي الطيف
يا دنيا فيكي الجفي
حر بنار الصيف
درويش هنا ماشي
يصرخ يقول يا لطيف
يا دنيا فيكي العجب
حق الفقير مسلوب
ابن الفقير مغلوب
دمعة آهات نزلة
نزله وباله التوب
صوت الخداع فاجر
عالي بأفظع صوت
قالوا زمان فى المثل
ابن الأصول راجل
وابن الخسيس ماكر
فرق الظلام م النور
يا بنت ياموا العيون باكية
بالدموع قومي
قومي وماتبكيش
فوق العباد الله بالعدل
غيرو مافيش
وقت الحساب هيكون
والطفل اللي اترمي
فوق الرصيف هيقول
يا رب يا منتقم طبع البشر
جاحد والحق كان بيموت
جسدي الضعيف م الجوع
فوق الرصيف شاهد
يا رب يا منتقم
قلبي الصغير وسط السنين
باكي والدمع نهر سكوت
وقت الحساب هنا حان
يا ظالمين بجحود
دنيا الغرور فى قلوب
ماتسوي يوم جناح
بعوضة ولا بدوم
يا ساكن الأبراج
بكرة القبور ساكن
تحت التراب راقد
يوم الحساب معلوم يوم الحساب له يوم
***********************
بقلم الشاعر المصري / أحمد إبراهيم
ليست هناك تعليقات:
إرسال تعليق