محاوله.............................2017/2/23
النهارده عاوز اغير الموضوع
ايه ياقلمي
خلاص معتش غيري انا وحبيبتي بالفيس
غير نشاطي واكتب حاجه تانيه
الناس بدأت تمل مني وتثتاغيث
اكتب حاجه عن الوطن
اكتب عن الشجن
المحن
خلي الحب شويه انسي
رد القلم وقال
هاتي يا خواطر احساس جديد
خلي الراجل والحبيبه بعيد
لقيت الدمعه بترج عيني
والعين بتثتاغيث
ايه ياعيني وضحيني
فيكي ايه وليه بتئلميني
قالت يا سلام
أسال احساسك اللي ماليني
بالدمع من سنيني
النهارده جي يقوللي
هتتركيني ؟!!هتتركيني؟؟!!
النهارده جي يقوللي
هونت عليكي وجيه تودعيني
قال لي سلام يا دمع عينه
وانسي تاني تصاحبيني
خوني شيء ملازمك من بدايه ميلادك
وقتي حزني اضحكي
وفي المي اتركيني
بس ياتري هتكوني صادقه مع نفسك
هتقدري علي اخلاصك في غشك
والضحكه هتكون من نن قلبك
انا عن نفسي فيكي اشك
ان من غير الحقيقه
عيني علي الناس ترد
واكيد هيعرفوكي
والاخر يهجروكي
وبرحتك يا عنيه
جت العين تشتكيني وتقوللي
معقوله قدرت تنسي
اللي نزفت الدم فيها
علي هيئه دموع
معقوله هي بجد ماتت
جوي قلبك موش لاقيها
ينهار ابيض وبالسعاده
هزغرط لو ناسيها
لو عديت ثانيه بدون ما تفكر فيها
ازغرط
ازغرط
ساكت ليه ما بترد
اقول ايه بس يا عيني
والله لو اموت ما اقدر انسي نور عيني
بس كانت محاوله
اني اخرج من انيني
واريحك من المي و احزاني
هي يمكن نسيتني
ورفضت تاني تلاقيني
بس انا ما اقدر انسي
اي حرف من لسانها
اتقال مره بيناجيني
ولا همسه مرة عابره
خلف الحدود بتراضيني
ابكي يا عيني
امام العالم افضحيني
اني لسه بحبها
وباقي ع الحب لنهاية جسدي
اللي بيستعد من بعد فراقها
ان يودع روحي اللي عشيقتها
لما تركت الروح اللي عشقتها
اسف كانت محاوله
واختبار لنفسي واحساسي
قولت يمكن اقدر
واوصل لخلاصي
لكن مافيش فايدة
فشلت في المحاوله
وقررت السكوت
ومكمل معاكي
وداخل سجن الالم
اتحملي يا عيني
وابكي تاني بالدموع
وان سالوكي عني
قولي في سجن الالم
مطاطي للعذاب
وللجروح ركوع
محاوله
......
#محمدلطفي_ابوالفتوح
#ابوبودي
ليست هناك تعليقات:
إرسال تعليق