Tarek Elsayed
عاشق غلبانعمري ماكنت في يوم قرموط
ولاعمري لعبت ثلاث ورقات
ولا قلت في يوم أنا واد فلوط
ومدوّب 100 من الستات
ولا شعري مسبسب ولا واد جان
ولا أملك فيلا ولا بتنجان
قولولي ياناس أتحب أنا ليه
فيا أنا إيه أتحب عليه
إذا كان يعني عشان أنا طيب
طيبة قلبي ماتسوى جنيه
قالوا زمان الهوى سلطان
لايغلبه إنس في يوم ولا جان
كل دا كله كلام أفلام
وأحلام ساذجة في أغبى منام
عشان الفقر ف يوم إن جاك
ينط الحب من الشباك
خليني عايش كدا على قدي
عارف قيمتي ولازم حدي
وقتي المر مسيره يمر
ويتفك القيد إللي في يدي
والأيام الحلوة تجيني
وتاخد م الفرح وتديني
بقلم طارق السيد
ليست هناك تعليقات:
إرسال تعليق